Elmar lagði upp þegar Gaziantep fór upp um deild

Theodór Elmar Bjarnason félagar hans í Gazişehir Gaziantep tryggðu sér í kvöld sæti í tyrknesku úrvalsdeildinni með sigri á Hatayspor eftir vítaspyrnukeppni, 3-5. Staðan eftir venjulegan leiktíma og framlengingu var 1-1.

Elmar var í byrjunarliði Gaziantep og lagði upp mark liðsins sem kom á lokamínútu fyrri hálfleiks.

Hatayspor jafnaði átta mínútum fyrir leikslok. Ekkert var skorað í framlengingunni og því réðust úrslitin í vítakeppni.

Þar skoruðu leikmenn Gaziantep úr öllum sínum spyrnum á meðan ein spyrna Hatayspor fór forgörðum.

Gaziantep hrósaði því sigri og sæti í tyrknesku úrvalsdeildinni á næsta tímabili.

Elmar gekk í raðir Gaziantep frá Elazigspor í ársbyrjun. Hann lék 13 leiki fyrir Gaziantep og skoraði eitt mark.