Mourinho þreyttur á varnarmistökum Tottenham

Jose Mourinho, knattspyrnustjóri Tottenham, er ekki sáttur með varnarmistökin sem Tottenham gerir síendurtekið að hans mati.

„Ég held við höfum gert sömu varnarmistökin í seinni hálfleik og við gerðum í þeim fyrri. Þetta fer að verða sagan okkar,“ sagði Jose Mourinho eftir jafntefli Tottenham og Norwich í gær.

„Við fengum á okkur tvö vond mörk. Við gerum varnarmistök leik eftir leik.“

„Ég á mikið starf fyrir hendi og þetta er erfitt því ég segi alltaf að það þurfi að fela veikleika þína.“

„Við þurfum að bæta okkur varnarlega því við gerum of mikið af einstaklingsmistökum.“

Tottenham er í sjötta sæti deildarinnar með 30 stig, tveimur stigum frá Chelsea í fjórða sætinu.