Sveinbjörn Iura, landsliðsmaður í júdó, náði í bronsverðlaun á sterku heimsbikarmóti í Hong Kong.

Sveinbjörn stefnir á að komast á Ólympíuleikana í Tókýó á næsta ári og færir árangur hans í Hong Kong hann nær því markmiði.

Hann keppir í -81 kg flokki og vann hann Kamon Saithongkaew, Alex Jacobson og Sangjun Lee á leið sinni til bronsverðlaunanna.

Sveinbjörn er í 87. sæti heimslista alþjóða júdósambandsins.