Fótbolti

Hazard viðurkennir að hafa verið aðeins of þungur

Arnar Geir Halldórsson skrifar
Hazard er dýrasti leikmaður í sögu Real Madrid.
Hazard er dýrasti leikmaður í sögu Real Madrid. vísir/getty

Belgíski knattspyrnumaðurinn Eden Hazard fékk töluverða gagnrýni fyrir líkamlegt ástand sitt þegar hann skrifað undir samning við spænska stórveldið Real Madrid í sumar. 

Hazard segir þá umræðu hafa átt rétt á sér en kveðst einfaldlega gera vel við sig þegar hann fer í frí.

„Það er rétt. Ég ætla ekki að fara í felur með það en þegar ég er í fríi þá er ég í fríi,“ segir Hazard í viðtali við L´Equipe.

„Ég hafði bætt á mig fimm kílóum. Ég er þannig gerður að ég bæti fljótt á mig og ég er mjög fljótur að losa mig við aukakílóin. Ég losaði mig við þau á 10 dögum,“ segir Hazard.

Real Madrid borgaði meira en 100 milljónir evra fyrir þennan 28 ára gamla sóknarmann og hefur hann farið rólega af stað hjá spænska liðinu; skorað eitt mark í ellefu leikjum í öllum keppnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.