Gísli Þorgeir fór úr axlarlið og verður frá í átta vikur
Gísli Þorgeir Kristjánsson, landsliðsmaður í handbolta, fór úr axlarlið í leik Kiel og Rhein-Neckar Löwen í þýsku úrvalsdeildinni í gær.
Að því er fram kemur á heimasíðu Kiel verður Gísli frá í átta vikur vegna meiðslanna. Hann þarf þó ekki að fara í aðgerð.
Gísli meiddist á vinstri öxl en hann hefur áður glímt við meiðsli á þeirri hægri.
Ljóst er að Gísli verður í kapphlaupi við tímann að verða klár í slaginn fyrir Evrópumótið í janúar. Fyrsti leikur Íslands er gegn Danmörku 11. janúar.
Kiel á 15 leiki eftir fram að áramótum.
Tengdar fréttir
Kristján og Alexander sóttu sigur gegn Kiel
Nokkrir Íslendingar voru í eldlínunni í þýska handboltanum í kvöld.
Gísli Þorgeir fór úr axlarlið
Gísli Þorgeir Kristjánsson fór úr axarlið í kvöld er hann meiddist illa í leik Kiel og Rhein-Neckar Löwen í þýska handboltanum.
Tár á hvarmi Gísla er hann var leiddur af velli: Kiel sendi honum kveðju á Twitter
Gísli Þorgeir Kristjánsson fór meiddur af velli er tæpar tíu mínútur voru eftir af stórleik Kiel og Rhein Neckar-Löwen í þýska boltanum í kvöld.
