Glæsimark Rúnars dugði ekki til | Myndband

Ingvi Þór Sæmundsson skrifar
Rúnar Már hefur skorað fimm mörk í Evrópudeildinni á tímabilinu.
Rúnar Már hefur skorað fimm mörk í Evrópudeildinni á tímabilinu. vísir/getty
Rúnar Már Sigurjónsson skoraði mark Astana þegar liðið tapaði 1-2 fyrir Partizan Belgrad á heimavelli í L-riðli Evrópudeildarinnar í dag.

Rúnar minnkaði muninn í 1-2 með góðu skoti fimm mínútum fyrir leikslok. Markið má sjá hér fyrir neðan.

Rúnar hefur verið drjúgur í Evrópudeildinni á þessu tímabili og skorað fimm mörk í átta leikjum.

Nígeríski framherjinn Umar Sadiq skoraði bæði mörk Partizan sem er með fjögur stig á toppi riðilsins. Astana er enn án stiga.

Klukkan 16:55 hefst seinni leikur dagsins í L-riðli. AZ Alkmaar tekur þá á móti Manchester United.

 

Bein lýsing

Leikirnir






    Fleiri fréttir

    Sjá meira