Fótbolti

Endurkomusigur Blika í Meistaradeildinni

Ástrós Ýr Eggertsdóttir skrifar
Karólína Lea var hetja Blika í kvöld
Karólína Lea var hetja Blika í kvöld vísir/daníel
Breiðablik vann eins marks sigur á Sparta Prag í fyrri leik liðanna í 32-liða úrslitum Meistaradeildar Evrópu á Kópavogsvelli í kvöld.



Blikar lentu tvisvar undir en náðu að jafna í tvígang og Karólína Lea Vilhjálmsdóttir skoraði svo sigurmarkið fyrir Breiðablik tíu mínútum fyrir leikslok.



Leikurinn byrjaði eins illa og gat orðið fyrir Breiðablik þegar gestirnir frá Tékklandi skoruðu strax á þriðju mínútu.



Blikar voru hins vegar aðeins tíu mínútur að jafna leikinn, það gerði Berglind Björg Þorvaldsdóttir eftir góða sókn Blika.



Á 35. mínútu komust gestirnir aftur yfir með klaufalegu marki að hálfu Breiðabliks, það gekk illa að hreinsa úr teignum og Sonný Lára var komin úr stöðu í markinu.



Eftir nokkrar tilraunir náði Breiðablik loks að jafna aftur á 77. mínútu leiksins og aftur var það Berglind Björg. Aðeins tveimur mínútum seinna skoraði Karólína svo markið sem réði úrslitum.



Liðin mætast öðru sinni í Prag eftir tvær vikur og eru Blikar í ágætum málum fyrir þann leik.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.