Albert kom inn í tapi

Innkoma Alberts Guðmundssonar í lið AZ Alkmaar gat ekki komið í veg fyrir tap fyrir Vitesse í hollensku úrvalsdeildinni.

AZ komst yfir með marki úr vítaspyrnu á 33. mínútu en heimamenn í Vitesse jöfnuðu í uppbótartíma fyrri hálfleiks.

Albert kom inn af varamannabekknum á 78. mínútu en hann náði ekki að finna sigurmarkið. Í staðinn fékk Vitesse vítaspyrnu í uppbótartíma sem Matus Bero skoraði úr. Lokatölur 2-1 sigur Vitesse.

Hólmar Örn Eyjólfsson var á varamannabekknum þegar Levski Sofia mætti CSKA Sofia í nágrannaslag í búlgörsku úrvalsdeildinni.

Hólmar Örn kom inn af varamannabekknum undir lok leiksins þegar staðan var 2-1 fyrir Levski. Heimamenn í CSKA jöfnuðu metin tveimur mínútum seinna og lauk leiknum með 2-2 jafntefli.