Fótbolti

Liverpool átti besta markvörðinn, besta varnarmanninn og besta leikmanninn á verðlaunahátíð UEFA

Anton Ingi Leifsson skrifar
Virgil van Dijk tekur við verðlaununum sem besti varnarmaðurinn.
Virgil van Dijk tekur við verðlaununum sem besti varnarmaðurinn. vísir/getty

Liverpool á tvo leikmenn af þeim fjórum sem fengu verðlaun á árlegum drætti Meistaradeildar Evrópu í Sviss í dag.

Valinn var besti markvörðurinn, varnarmaðurinn, miðjumaðurinn og sóknarmaðurinn en Evrópumeistararnir eiga besta markvörðinn og miðvörðinn.

Alisson Becker var valinn besti markvörðurinn og Virgil van Dijk var valinn besti varnarmaðurinn en þeir áttu báðir risa þátt í því að Liverpool varð Evrópumeistari.

Van Dijk var ekki bara valinn besti varnarmaðurinn heldur einnig var hann valinn besti leikmaður tímabilsins af UEFA. Hann er fyrsti hollenski leikmaðurinn í sögunni til að hreppa verðlaunin.





Frenkie De Jong, sem fór á kostum í liði Ajax sem komst alla leið í undanúrslitin, var valinn besti miðjumaðurinn og besti sóknarmaðurinn var hinn magnaði, Lionel Messi.

Meira má lesa um riðlana hér að neðan en fyrsta umferð riðlakeppninnar fer fram 17. og 18. september. Hinir leikdagarnir eru 1. og 2. október, 22. og 23. október, 5. og 6. nóvember, 26. og 27. nóvember og svo 10. og 11. desember.

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Mest lesið


Velkomin á Vísi. Þessi vefur notar vafrakökur. Sjá nánar.