Ajax og Juventus ná samkomulagi um De Ligt
Juventus færist nær og nær því að klófesta varnarmanninn Matthijs De Ligt, varnarmann Ajax, en Sky Sports á Ítalíu hefur heimildir fyrir þessu.
Ítölsku meistararnir hafa hækkað tilboð sitt í hinn nítján ára gamla varnarmann og er talið að félögin hafi náð samkomulagi um verðmiðann í gær.
De Ligt er ekki með félögum sínum í Austurríki þar sem liðið undirbýr sig fyrir komandi tímabil en PSG og Barcelona höfðu einnig áhuga á þessum frábæra varnarmanni.
Matthijs de Ligt is "awaiting a possible transfer".
— BBC Sport (@BBCSport) July 13, 2019
He's not in Ajax's training squad.
https://t.co/EXbOljMPvE pic.twitter.com/8NnGyXpKmd
Juventus og varnarmaðurinn knái hafa nú þegar náð saman um kaup og kjör. Talið er að hann muni þéna tæplega ellefu milljónir punda á ári hjá Juventus auk bónusa.
Fyrsta boð Juventus hljóðaði upp á rúmlega 58 milljónir punda en hugmynd Ajax var í kringum 67 milljónir punda. Ekki hefur verið gefið upp verðmiðinn sem félögin hafa samþykkt nú.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
