20 særðir eftir sprengingu á pizzastað í Flórída

Tuttugu manns eru slasaðir eftir að sprenging varð á tómum pizzastað í Suður-Flórída. Veitingastaðurinn var lagður í rúst og skemmdir urðu á nærliggjandi fyrirtækjum. Fréttastofa AP greinir frá þessu.

Tugir slökkviliðsmanna mættu á staðinn með leitarhunda og leituðu uppi slasaða. Samkvæmt lögreglu er ekki vitað um neitt mannfall. Af þeim 20 sem slösuðust voru tveir alvarlega slasaðir.

Fram kom í tísti frá lögreglu og slökkviliði á svæðinu að talið sé að um gassprengingu hafi verið að ræða.