Rodgers tilbúinn að kaupa Tielemans fyrir metfé

Brendan Rodgers, stjóri Leicester, vonast til að félagið geti gengið frá kaupum á belgíska miðjumanninum Youri Tielemans sem hefur verið í lykilhlutverki hjá liðinu eftir að hafa komið á láni frá franska úrvalsdeildarliðinu Monaco í janúar.

Talið er að Leicester þurfi að punga út 40 milljónum punda fyrir þennan 21 árs gamla miðjumann en það myndi gera hann að dýrasta leikmanni í sögu félagsins.

„Maður þarf að borga fyrir gæði og þessar tölur hækka á hverju ári. Það er líklegt að við munum þurfa að brjóta metið okkar til að fá hann,“ segir Rodgers.