Lífið kynningar

Íslensk kísilsteinefnablanda reynist vel við gigtarverkjum

Geo Silica kynnir
Thelma Matthíasdóttir, þjálfari, hefur góða reynslu af Kísilsteinefnablöndunni frá Geosilica.
Thelma Matthíasdóttir, þjálfari, hefur góða reynslu af Kísilsteinefnablöndunni frá Geosilica.

Íslenska nýsköpunarfyrirtækið Geosilica hefur þróað hreina og náttúrulega kísilsteinefnablöndu í vökvaformi, tilbúna til inntöku. Kísilsteinefnablandan hefur reynst afar vel meðal annars við gigtarverkjum og húðvandamálum og styrkir einnig hár og neglur.

Thelma Matthíasdóttir, þjálfari, greindist með gigt, beinþynningu, húðsjúkdóm og blóðflögusjúkdóm fyrir nokkrum árum og hefur þurft á lyfjameðferðum að halda. Hún finnur mikinn mun á sér eftir að hún fór að taka kísilsteinefnablönduna frá Geo Silica.

„Ég er hraustari og heilbrigðari og það er sjáanlegur munur á hári, húð og nöglum,“  segir Thelma. „Ég hafði verið með ljót ör út af sárasjúkdómnum en eftir að ég fór að taka kísilinn og leggja vökvann á sárin hafa sárin nánast gróið.“

Hér segir Thelma nánar frá:

Mæta steinefnaskorti með hreinni afurð

„Rannsóknir sýna að við fáum ekki nóg af steinefnum úr fæðunni. Ein af hverjum fimm konum fá beinþynningu fyrir aldur fram. Kísilsteinefnablandan frá Geosilica mætir þessari vöntun,“ útskýrir Fida Abu Libdeh, tæknifræðingur og framkvæmdastjóri nýsköpunarfyrirtækisins Geosilica.

„Í blöndunni eru steinefni eins og þau koma fyrir úr náttúrunni. Engum rotvarnarefnum né kemískum efnum er bætt við og þar sem blandan er í vökvaformi nýtir líkaminn steinefnin beint. Í íslensku vatni eru engir þungmálmar. Framleiðslan er einföld og skilar hágæða vöru sem líkaminn tekur vel upp.“

Fida Abu Libdeh, tæknifræðingur og framkvæmdastjóri Geosilica.

Íslenskt hugvit

Geosilica varð til árið 2012 út frá lokaverkefni Fidu og Burkna Pálssonar, í orku- og umhverfistæknifræði við Háskóla Íslands. Verkefnið fjallaði um að auka nýtingu á jarðhitavatni frá borholum Hellisheiðarvirkjunar og búa til verðmæti úr því sem áður fór til spillis.

„Kísillinn fór áður út í umhverfið og safnaðist einnig fyrir í tækjum virkjunarinnar og olli vandamálum. Við byrjuðum á að taka útfellinguna út og þróuðum síðan vöru úr kísilnum,“ útskýrir Fida. „Magn kísilsins er styrkt í jarðhitavatninu og skiljuvatninu skipt út fyrir hreint grunnvatn. Þannig verður til 100% jarðhitakísill í hreinu vatni.“

Vekja athygli víða um heim

Fyrsta vara Geosilica kom á markað 2015 og sló strax í gegn. Síðan hafa bæst við þrjár vörur sem allar eru byggðar á íslenskum steinefnum. Verkefnið hefur vakið mikla athygli og jarðhitaverksmiðjur víða um heim horfa til aðferða Geosilica við framleiðslu á steinefnum úr jarðhitavatni.

„Jarðvarmavirkjanir um allan heim hafa samband við okkur og við munum setja upp sérdeild kringum okkar sérþekkingu og þjónustu,“ segir Fida. „Við höfum náð góðum árangri á stuttum tíma og vörurnar seljast afar vel, bæði innanlands og utan en við seljum mikið inná þýskumælandi markað.“

Stöðug vöruþróun og ný vara væntanleg

Við eltumst ekki við tískustrauma í vöruþróun heldur einblínum á rannsóknir sem sýna fram á hvaða næringarefni okkur skortir og reynum að mæta þeim skorti. Væntanleg er ný vara frá okkur sem inniheldur kísil, járn og D vítamín en rannsóknir sýna að Íslendinga vantar gjarnan þessi efni,“ útskýrir Fida. „Þá má taka fram að allar okkar vörur eru vegan.“

Nánari upplýsingar á www.geosilica.is

Þessi kynning er unnin í samstarfi við Geosilica. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.