Erlent

Attenborough berst áfram fyrir jörðina

Gígja Hilmarsdóttir skrifar
Sir David Attenborough lætur enn til sín taka  í baráttunni við lofslagsbreytingar.
Sir David Attenborough lætur enn til sín taka í baráttunni við lofslagsbreytingar. Getty/Samir Hussein

Náttúruvísinda- og sjónvarpsmaðurinn Sir. David Attenborough heldur ótrauður áfram í baráttu sinni fyrir lífríki jarðar en hann kemur til með að fagna 93 ára afmæli sínu í næsta mánuði.

Í gegnum tíðina hefur Attenborough verið ötull talsmaður náttúrunnar og nýr þáttur úr smiðju sjónvarpsmannsins ástsæla, Climate Change: The facts, fer í loftið á BBC one í kvöld.

Á vefsíðu BBC er þátturinn sagður ramma inn þá ógn sem steðjar að samfélögum heims á tímum loftslagsbreytinga. Hann varpi ljósi á undanfarana, áhrifin sem breytingarnar eru að hafa í dag og það sem þarf að gera í baráttunni við þær.

Attenborough segir heimsbyggðina berjast við óafturkræfar skemmdir á náttúrunni en að við eigum enn von. Það þurfi þó að grípa til stórkostlegra aðgerða.

„Á þeim tuttugu árum sem liðin eru síðan ég fór fyrst að fjalla um áhrif loftslagsbreytinga á heiminn, hafa breytingarnar verið mun meiri en ég ímyndaði mér,“ segir Attenborough.

Hér að neðan má sjá stiklu úr þættinum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.