Menning

Dagskrá Hammondhátíðar Djúpavogs opinberuð

Andri Eysteinsson skrifar
Hammondhátíð
Hammondhátíð Aðsend

Hammondhátíð Djúpavogs verður sett í fjórtánda sinn fimmtudaginn 25. apríl næstkomandi. Hátíðin sem hefur orðið stærsti menningarviðburður bæjarins var fyrst haldin árið 2006. Hátíðin fer fram frá fimmtudegi til sunnudags og hefur listi yfir þá tónlistarmenn og hljómsveitir sem stíga á stokk verið gefinn út.

Markmið Hammondhátíðar Djúpavogs er að heiðra Hammond-orgelið. Eftir því sem hátíðarhaldarar komast næst er um að ræða einu hátíðina á heimsvísu sem tileinkuð er hljóðfærinu.

Á upphafskvöldinu mun Dimma spila en Pétur Örn Guðmundsson verður sérstakur gestur og mun leika á títtnefnt Hammond-orgel. Dúndurfréttir leika listir sínar á föstudagskvöldinu, Ensími og Jónas Sig stíga á svið á laugardagskvöldi en á lokatónleikunum á sunnudeginum, sem fram fara í Djúpavogskirkju, mun Lay Low leika ljúfa tóna ásamt Guðmundi Óskari og Tómasi Jónssyni, Hammondséníi.

Samkvæmt aðstandendum hátíðarinnar er bærinn fullur af fólki á meðan að á hátíðinni stendur. Auk tónleikanna er fjöldinn allur af utandagskrárviðburðum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.