Enski boltinn

Solskjær mætti með góðar fréttir á blaðamannafundinn

Óskar Ófeigur Jónsson skrifar
Paul Pogba og Anthony Martial verða báðir með United liðinu á sunnudaginn.
Paul Pogba og Anthony Martial verða báðir með United liðinu á sunnudaginn. getty/Marc Atkins
Ole Gunnar Solskjær staðfesti endurkomu lykilmanns á blaðamannafundi fyrir stórleikinn á móti Arsenal í London á sunnudaginn.

Solskjær sagði frá því á fundinum að Anthony Martial snúi aftur í lið Manchester United í leiknum á Emirates leikvanginum.

Manchester United var án tíu leikmanna þegar liðið tryggði sig áfram í Meistaradeildinni í vikunni en nú lítur þetta aðeins betur út.





Anthony Martial hefur misst af síðustu fimm leikjum vegna nárameiðsla en hann meiddist í fyrri hálfleik í fyrri leiknum á móti Paris Saint Germain í 16 liða úrslitum Meistaradeildarinnar.

Paul Pogba kemur líka aftur inn í liðið eftir að hafa tekið út leikbann í París á miðvikudagskvöldið.

Ander Herrera (aftan í læri) og Nemanja Matic (nári) gætu líka mögulega náð þessum leik á móti Arsenal sem er mjög mikilvægur í baráttu liðanna um sæti í Meistaradeildinni á næstu leiktíð.

Manchester United er með 58 stig í 4. sæti deildarinnar eða einu stigi meira en Arsenal og tveimur stigum meira en Chelsea.







Enski boltinn

Mest lesið


Fleiri fréttir

Sjá meira


×

Mest lesið