Willum orðinn leikmaður BATE

BATE Borisov tilkynnti í dag um komu Willums Þórs Willumssonar til félagsins.

Breiðablik tilkynnti fyrr í vikunni að félagið hefði komist að samkomulagi um sölu á Willum til BATE. Hann fór ytra í vikunni til þess að skoða aðstæður og samdi að lokum til þriggja og hálfs árs við hvít-rússneska félagið.

BATE er stærsta og sigursælasta lið Hvíta-Rússlands og hefur orðið meistari þar í landi síðustu þretttán ár.

Willum var valinn efnilegasti leikmaður Pepsideildarinnar eftir síðasta tímabil þar sem hann var í lykilhlutverki hjá Breiðabliki, en hann spilaði sinn fyrsta meistaraflokksleik fyrir Blika í efstu deild árið 2016.

Willum var á meðal áhorfenda þegar BATE vann 1-0 sigur á Arsenal á heimavelli sínum í gærkvöld í fyrri leik liðanna í 32-liða úrslitum Evrópudeildarinnar.

Виллюм Тор Виллюмссон перейдет в БАТЭ!https://t.co/K2brM9o7iapic.twitter.com/0QKuraGohj

— FC BATE Borisov (@FCBATE) February 15, 2019