Það er draumabyrjun og svo er það byrjun eins og hjá Shinji Kagawa

Shinji Kagawa þurfti ekki margar mínútur í fyrsta leiknum til að komast í hetjuham hjá tyrkneska félaginu Besiktas.

Japanski miðjumaðurinn Shinji Kagawa kom á láni til Besiktas frá Borussia Dortmund á dögunum.

Fyrsti leikur hans var í gær en Shinji Kagawa var ekki í byrjunarliðinu og fékk ekki að koma inn á völlinn fyrr en á 81. mínútu.

Come on in 81st minute

Score with first touch

Score a free-kick from 30 yards two minutes later

Shinji Kagawa settled into life at Besiktas pretty quickly.https://t.co/dJGVk1JKFmpic.twitter.com/gjod69WCr2

— BBC Sport (@BBCSport) February 4, 2019

En sú byrjun. Það tók Shinji Kagawa aðeins 18 sekúndur og að skora sitt fyrsta mark fyrir Besiktas og eftir tvær mínútur var hann búinn að bæta við öðru marki með skoti beint úr aukaspyrnu.

Það er ljóst að Besiktas getur ekki búist við tveimur mörkum á níu mínútum í hverjum leik en þessi byrjun er ein sú rosalegast sem sést hefur í boltanum.

Staðan var vissulega 4-2 þegar hann kom inn á völlinn og sigurinn því nánast í höfn. Shinji Kagawa sá hins vegar til þess að Antalyaspor varð að sætta sig við fjögurra marka tap.

Hér fyrir neðan má sjá myndband af öllu því helsta sem gerðist í leiknum þar á meðal eru bæði mörkin hjá Shinji Kagawa.

Günaydin Besiktas Ailesi  pic.twitter.com/vVo6oeVH4P

— Besiktas JK (@Besiktas) February 4, 2019