Conor vill berjast við Japanann sem Mayweather pakkaði saman

Conor McGregor ætlar sér að elta peningaslóðina sem Floyd Mayweather bjó til í Japan á dögunum.

Þá boxaði Mayweather gegn japanska sparkboxaranum Tenshin Nasukawa. Það tók Mayweather ekki nema 140 sekúndur að klára Japanann sem er auðvitað enginn hnefaleikakappi. Bardaginn var vandræðalegur fyrir þann japanska.

Mayweather rakaði inn einum og hálfum milljarði á þessum bardaga sem var einn sá léttasti sem Bandaríkjamaðurinn hefur tekið þátt í.

I wish to go to Tokyo to face Tenshin Nasukawa in a Mixed Martial Arts exhibition bout.

Before this summer.

Please arrange this, this instant.

Yours sincerely

The champ champ. @ufc@ParadigmSM

— Conor McGregor (@TheNotoriousMMA) January 7, 2019

Conor ætlar sér þó ekki að boxa við Japanann heldur vill hann mæta honum í MMA-bardaga. Það ætti að verða jafnari leikur.

Nasukawa er stórstjarna Rizin-samtakanna og mikil stjarna í Asíu. Bardagi hans gegn Conor myndi því skila Íranum miklum peningum.

Eins og sjá má hér að ofan þá vill Conor að þessi bardagi fari fram fyrir sumarið.