22 ára þýskur pílari fær að mæta átrúnaðargoðinu sínu í kvöld

Það eru ekki allir sem fá tækifæri að mæta átrúnaðargoði sínu á stóra sviðinu en ungur Þjóðverji fær að lifa þann draum sinn í Berlín í kvöld.

Sjöunda umferðin í úrvalsdeildinni í pílu fer fram í Berlín í kvöld og verður í beinni á Stöð 2 Sport 2. Páll Sævar Guðjónsson mætir og lýsir spennandi kvöldi. Útsendingin hefst klukkan 19.00.

Heimamenn munu örugglega fylgjast sérstaklega með hinum 22 ára gamla Max Hopp sem verður sjöundi áskorandinn sem fær að reyna sig á móti þeim bestu.

Úrvalsdeildin í pílu er deildarkeppni milli níu bestu pílukastara heims en í hverri viku kemur inn áskorandi sem fær að spila við einn af þessum níu toppmönnum.

Úrvalsdeildin er deildarkeppni þar sem píluspilarar fá tvö stig fyrir sigur og eitt stig fyrir jafntefli.

"When I started out, the first set of darts I bought were Raymond’s so it will be a dream come true to play him in front of a home crowd."

Max Hopp is relishing the prospect of facing his 'childhood idol' Raymond van Barneveld in Berlin on Thursday.

https://t.co/LtqT6hs404pic.twitter.com/wiEIdsOyNe

— PDC Darts (@OfficialPDC) March 20, 2019

Áskorandi kvöldsins er eins og áður sagði Þjóðverjinn Max Hopp. Max Hopp er besti þýski pílarinn í dag og komst í undanúrslit á Evrópumótinu á síðasta ári. Hann er því efni í framtíðarstjörnu.

„Ég er svo spenntur að fá að keppa fyrir framan mitt fólk, á heimavelli og á móti hinum goðsagnakennda Raymond van Barneveld,“ sagði Max Hopp.

„Raymond hefur alltaf verið átrúnaðargoðið mitt. Fyrstu pílurnar sem ég keypti voru hans pílur og það er því draumur að rætast fyrir mig að fá keppa við hann á mínum heimavelli,“ sagði Hopp.

Michael van Gerwen náði aftur toppsætinu með sigri á Gerwyn Price í Nottingham í síðustu viku og hann mætir Daryl Gurney í kvöld. Gerwyn Price tapaði þar sínum fyrsta leik í úrvalsdeildinni í ár en fær tækifæri til að bæta fyrir það á móti Rob Cross.

Það verður hins vegar ekki auðvelt verkefni fyrir Gerwyn Price því Rob Cross er við hliðina á Van Gerwen og fór líka í undanúrslitin í fyrra.

James Wade er í þriðja sæti og mætir Peter Wright sem er í fjórða sætinu. Í síðasta leik kvöldsins mætast síðan Michael Smith og Mensur Suljovic en þeir þurfa báðir sigur í baráttunni á botninum.

PUNDITS PREDICT!

Our six pundits have submitted their predictions for Night Seven of the @Unibet Premier League.@DanDartsDawson is the leader of the pack after Night Six, and he thinks we might see a few draws in Berlin.

https://t.co/56MlxlN9hUpic.twitter.com/HKNVoERifb

— PDC Darts (@OfficialPDC) March 20, 2019

Viðureignir kvöldsins eru:

(Keppnin fer fram í Mercedes-Benz Arena í Berlín)

Gerwyn Price á móti Rob Cross

James Wade á móti Peter Wright

Michael van Gerwen á móti Daryl Gurney

Michael Smith á móti Mensur Suljovic

Max Hopp á móti Raymond van Barneveld

Staðan eftir sex umferðir er:

1. Michael Van Gerwen 9 stig

2. Rob Cross 9 stig

3. James Wade 7 stig

4. Peter Wright 7 stig

5. Gerwyn Price 7 stig

6. Mensur Suljovic 6 stig

7. Michael Smith 5 stig

8. Daryl Gurney 5 stig

9. Raymond van Barneveld 2 stig

Efstu fjórir spilararnir eftir sextán umferðir tryggja sér sæti í úrslitakeppninni sem fer fram í O2 höllinni í London 23. maí næstkomandi. 28. mars mun hins vegar fækka um einn í keppninni en þá dettur sá út sem er í síðasta sæti.