Segja Salah á leið burt frá Liverpool eftir rifrildi við Klopp

Spænski miðill AS greinir frá því að Mohamed Salah hefur óskað eftir því að verða seldur frá Liverpool í sumar.

Ósk Salah á að hafa komið eftir rifrildi við þjálfara liðsins, Jurgen Klopp, en ekki er greint frá í fréttinni um hvað rifrildi þeirra snérist um.

Salah hefur farið á kostum síðustu tvö tímabil og spilaði stóran þátt í því að liðið fór í úrslit Meistaradeildarinnar á síðasta tímabili.

Umboðsmaður Salah hefur hins vegar tjáð sig um sögusagnirnar á Twitter og á hans skrifum er ekki að sjá að Salah sé á leið burt frá þeim rauðklæddu úr Bítlaborginni.

Talking out of their AS again I see.

— Ramy Abbas Issa (@RamyCol) April 17, 2019

Salah verður í eldlínunni í kvöld er Liverpool mætir Porto í síðari leik liðanna í átta liða úrslitum Meistaradeildarinnar. Liverpool vann fyrri leikinn 2-0.