Lék í myndbandi Kelvyns Colt Sólrún Freyja Sen skrifar 4. júlí 2019 09:00 Símon Nodle er bæði taktasmiður og fyrirsæta. Tónlist Símons Nodle er ekki með neinum söng eða rappi. Það mætti lýsa tónlistinni sem rólegri raftónlist. Símon er svo að stjórna kollektívu 15 taktasmiða sem deila sömu tónlistarstefnu og gefa reglulega út lög. Sjálfur hefur Símon fengið mörg hundruð þúsund spilanir á SoundCloud frá því hann gaf út sitt fyrsta lag þar fyrir um tveimur árum. Hann hefur meðal annars endurhljóðblandað lag eftir Joji sem Joji sjálfur setti læk á. Um daginn gaf Símon út 16 laga blandspólu á Spotify sem lýsir að hans sögn tilfinningalegu ferðalagi frá upphafi til enda. Taktasmiðir semja oft stóran hluta af laglínu rapplaga eða popplaga, ef ekki alla laglínuna. „Þú getur ekki gert gott lag án þess að vera með góðan pródúser (taktasmið).“ Sjálfur stefnir Símon þó ekki á að vinna með íslenskum röppurum. „Ég hlusta varla á íslenskt rapp sjálfur,“ en Símon ber samt virðingu fyrir hörkunni sem rapparar í senunni hér á landi leggja í. Símon lofar að það séu mörg óútgefin lög á leiðinni í útgáfu. Planið er að gefa bæði út lög með öðrum listamönnum og ekki. „Ég er mjög spenntur fyrir því og hlakka til að sjá hvernig það spilast.“Leitar að sínu hljóði Eitthvað hefur Símon komið fram, bæði einn og með öðrum tónlistarmönnum á hátíðum á borð við Airwaves og Secret Solstice. „Ég spilaði á tónleikum með Kef LAVÍK og Vagina Boys í Hörpunni fyrir svona tveimur árum.“ Síðan ákvað Símon að hætta að koma fram með lifandi tónlist og sem plötusnúður. „Mig langaði að einbeita mér meira að því að pródúsa og finna mig sem tónlistarmann. Eftir að Símon dró sig í hlé hefur hann sökkt sér í það að finna þetta hljóð sem hann telur sig vera kominn langt með að gera. „Það er allt að koma til. Ég vil ná því markmiði að einhver hlusti á tónlistina og finni að það er ákveðið hljóð í mínum lögum. Það geta allir gert tónlist en það verður eitthvað að vera á bak við hana. Fólk þarf að geta tengt við lögin.“Taktasmiðir fá ekki verðskuldaða athygli fyrir framlag sitt til tónlistarinnar.Er reglulega í samskiptum við rapparann Kelvyn Colt Síðasta ár hefur Símon unnið sem fyrirsæta fyrir umboðsstofuna Eskimo. „Ég fæ samt eiginlega öll verkefnin mín í gegnum Instagram, en þá segi ég þeim sem senda skilaboð beint til mín að hafa samband við Eskimo svo það sé öruggt að ég fái greitt.“ Símon segir að það séu mjög margir sem vilji greiða fyrir fyrirsætustörf með ýmsum vörum en það er varla hægt að lifa á þeim einum. Símon lék í tónlistarmyndbandi þýska rapparans Kelvyns Colt sem kom út í desember í fyrra. Colt hefur verið á uppleið síðustu misseri og er þekktastur fyrir lagið sitt Bury me alive. Lagið við myndbandið sem Símon lék í heitir Love&hate. Það var tekið upp í íslenskri náttúru þar sem leikararnir eru í gulum göllum sem stangast á við svarthvítt umhverfið. Það má því segja að litasamsetningin passi einstaklega vel við lagið. Símon hefur verið í samskiptum við Colt frá því að þeir kynntust við gerð myndbandsins og jafnvel hefur sú hugmynd komið upp að gera lag saman.Símon ákvað að fara á samning hjá Eskimo fyrir um ári síðan.Rokkar það bara Það er ekki leiðinlegt að vera fyrirsæta að sögn Símons sem hefur tekið þátt í mörgum tískusýningum síðan hann byrjaði. „Það er alveg mikið stress en um leið og þú ert kominn á staðinn og byrjaður þá er það mjög gaman. Maður rokkar það bara.“ Hins vegar stefnir Símon á að starfa frekar sem fyrirsæta og taktasmiður erlendis enda þekkir hann marga í Bandaríkjunum þar sem hann er hálfbandarískur. Símon segir að hann sé að hugsa um að flytja annaðhvort til London eða Los Angeles, framtíðin er opin og að því er virðist björt líka. Að lokum vill Símon þakka fyrir sig þar sem taktasmiðir fá oft ekki næga athygli fyrir sitt framlag til tónlistar í dag. Birtist í Fréttablaðinu Mest lesið Stjörnulífið: Löng helgi, hátíðarsýning og tónleikar Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Clooney mælti með handtöku Netanyahu Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Af vængjum fram: „Ég ætla ekkert að fara að gráta hérna“ Lífið Myndaveisla: Ekkert gefið eftir í forsetafögnuði ísdrottningarinnar Lífið Elín Metta og Sigurður eiga von á barni Lífið Steldu stílnum af konunum í forsetaframboði Tíska og hönnun Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira
Tónlist Símons Nodle er ekki með neinum söng eða rappi. Það mætti lýsa tónlistinni sem rólegri raftónlist. Símon er svo að stjórna kollektívu 15 taktasmiða sem deila sömu tónlistarstefnu og gefa reglulega út lög. Sjálfur hefur Símon fengið mörg hundruð þúsund spilanir á SoundCloud frá því hann gaf út sitt fyrsta lag þar fyrir um tveimur árum. Hann hefur meðal annars endurhljóðblandað lag eftir Joji sem Joji sjálfur setti læk á. Um daginn gaf Símon út 16 laga blandspólu á Spotify sem lýsir að hans sögn tilfinningalegu ferðalagi frá upphafi til enda. Taktasmiðir semja oft stóran hluta af laglínu rapplaga eða popplaga, ef ekki alla laglínuna. „Þú getur ekki gert gott lag án þess að vera með góðan pródúser (taktasmið).“ Sjálfur stefnir Símon þó ekki á að vinna með íslenskum röppurum. „Ég hlusta varla á íslenskt rapp sjálfur,“ en Símon ber samt virðingu fyrir hörkunni sem rapparar í senunni hér á landi leggja í. Símon lofar að það séu mörg óútgefin lög á leiðinni í útgáfu. Planið er að gefa bæði út lög með öðrum listamönnum og ekki. „Ég er mjög spenntur fyrir því og hlakka til að sjá hvernig það spilast.“Leitar að sínu hljóði Eitthvað hefur Símon komið fram, bæði einn og með öðrum tónlistarmönnum á hátíðum á borð við Airwaves og Secret Solstice. „Ég spilaði á tónleikum með Kef LAVÍK og Vagina Boys í Hörpunni fyrir svona tveimur árum.“ Síðan ákvað Símon að hætta að koma fram með lifandi tónlist og sem plötusnúður. „Mig langaði að einbeita mér meira að því að pródúsa og finna mig sem tónlistarmann. Eftir að Símon dró sig í hlé hefur hann sökkt sér í það að finna þetta hljóð sem hann telur sig vera kominn langt með að gera. „Það er allt að koma til. Ég vil ná því markmiði að einhver hlusti á tónlistina og finni að það er ákveðið hljóð í mínum lögum. Það geta allir gert tónlist en það verður eitthvað að vera á bak við hana. Fólk þarf að geta tengt við lögin.“Taktasmiðir fá ekki verðskuldaða athygli fyrir framlag sitt til tónlistarinnar.Er reglulega í samskiptum við rapparann Kelvyn Colt Síðasta ár hefur Símon unnið sem fyrirsæta fyrir umboðsstofuna Eskimo. „Ég fæ samt eiginlega öll verkefnin mín í gegnum Instagram, en þá segi ég þeim sem senda skilaboð beint til mín að hafa samband við Eskimo svo það sé öruggt að ég fái greitt.“ Símon segir að það séu mjög margir sem vilji greiða fyrir fyrirsætustörf með ýmsum vörum en það er varla hægt að lifa á þeim einum. Símon lék í tónlistarmyndbandi þýska rapparans Kelvyns Colt sem kom út í desember í fyrra. Colt hefur verið á uppleið síðustu misseri og er þekktastur fyrir lagið sitt Bury me alive. Lagið við myndbandið sem Símon lék í heitir Love&hate. Það var tekið upp í íslenskri náttúru þar sem leikararnir eru í gulum göllum sem stangast á við svarthvítt umhverfið. Það má því segja að litasamsetningin passi einstaklega vel við lagið. Símon hefur verið í samskiptum við Colt frá því að þeir kynntust við gerð myndbandsins og jafnvel hefur sú hugmynd komið upp að gera lag saman.Símon ákvað að fara á samning hjá Eskimo fyrir um ári síðan.Rokkar það bara Það er ekki leiðinlegt að vera fyrirsæta að sögn Símons sem hefur tekið þátt í mörgum tískusýningum síðan hann byrjaði. „Það er alveg mikið stress en um leið og þú ert kominn á staðinn og byrjaður þá er það mjög gaman. Maður rokkar það bara.“ Hins vegar stefnir Símon á að starfa frekar sem fyrirsæta og taktasmiður erlendis enda þekkir hann marga í Bandaríkjunum þar sem hann er hálfbandarískur. Símon segir að hann sé að hugsa um að flytja annaðhvort til London eða Los Angeles, framtíðin er opin og að því er virðist björt líka. Að lokum vill Símon þakka fyrir sig þar sem taktasmiðir fá oft ekki næga athygli fyrir sitt framlag til tónlistar í dag.
Birtist í Fréttablaðinu Mest lesið Stjörnulífið: Löng helgi, hátíðarsýning og tónleikar Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Clooney mælti með handtöku Netanyahu Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Af vængjum fram: „Ég ætla ekkert að fara að gráta hérna“ Lífið Myndaveisla: Ekkert gefið eftir í forsetafögnuði ísdrottningarinnar Lífið Elín Metta og Sigurður eiga von á barni Lífið Steldu stílnum af konunum í forsetaframboði Tíska og hönnun Fleiri fréttir Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn „Fer ekki á milli mála að ég er að syngja um stráka“ Fögnuðu íslenskri tónlist við fjöruga opnun Seldi upp á útgáfutónleika án útgáfu „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Sjá meira