Hörður lék allan leikinn í fyrsta sigri CSKA Moskvu

Hörður Björgvin Magnússon lék allan leikinn í vörn CSKA Moskvu þegar liðið sigraði Arsenal Tula í 4. umferð rússnesku úrvalsdeildarinnar í dag. Leikurinn fór fram í Moskvu og lauk með 3-0 sigri heimamanna.

Abel Hernández kom heimamönnum yfir eftir aðeins tíu mínútna leik og var staðan 1-0 fyrir CSKA Moskvu í hálfleik.

Kristijan Bistrovic bætti öðru marki leiksins við á 77. mínútu og fimm mínútum síðar kom Fedor Chalov heimamönnum 3-0 yfir og gulltryggði sigurinn.

Þetta var fyrstu sigur CSKA Moskvu á tímabilinu en eftir fjóra leiki situr liðið í 6. sæti deildarinnar með fimm stig.