PSG vill gera Wenger að framkvæmdastjóra

Paris Saint-Germain vill ráða Arsene Wenger sem framkvæmdastjóra félagsins að loknum félagsskiptaglugganum í janúar.

ESPN greinir frá þessu í dag. Heimildir fréttastofunar herma að Antero Henrique sé valtur í sessi eftir að hafa mistekist að fá leikmenn til félagsins sem voru hátt á óskalistanum.

Wenger vill frekar fara í þjálfarastarf en hefur þó ekki útilokað neitt. Hann mun líklega ekki taka neina ákvörðun fyrr en þegar nær dregur jólum.

Frakkinn fengi frjálsræði til þess að gera þær endurbætur sem hann teldi þurfar bæði innan og utan vallar.

Wenger hætti sem stjóri Arsenal í vor eftir 22 ár í starfi.