28 ára yfirmaður knattspyrnumála látinn

Skelfilegar fréttir um örlög manns í blóma lífsins sem hafði unnið sig upp í ábyrgðarmikið starf hjá ensku b-deildarliði.

Robert Rowan, yfirmaður knattspyrnumála hjá enska félaginu Brentford, er látinn. Hann var aðeins 28 ára gamall.

Robert Rowan tók við starfinu í febrúar en hann var áður í öðru líku starfi hjá félaginu í þrjú og hálft ár. Rowan var mikils metinn hjá Brentford en liðið er nú í 15. sæti ensku b-deildarinnar.

Tragic news. Robert Rowan, Brentford's Scottish technical director, has died at the age of 28.https://t.co/D4S8zPyg8Fpic.twitter.com/uYrya3m61D

— BBC Sport Scotland (@BBCSportScot) November 13, 2018

Á tíma sínum hjá Brentford þá var Robert Rowan lykilmaðurinn á bak við þá ákvörðun að loka knattspyrnuakademíu félagsins og stofna frekar varalið.

Rowan var aðeins 24 ára gamall þegar hann kom til starfa hjá Brentford árið 2014.

Robert Rowan var frá Skotlandi en hann vann áður hjá Stenhousemuir og hafði líka starfað sem njósnari og fótboltagreinandi hjá bæði Celtic og skoska knattspyrnusambandinu.

„Allir hjá félaginu eru miður sín eftir þessar fréttir,“ segir í yfirlýsingu frá félaginu.

„Okkar hugur er hjá eiginkonu Roberts, fjölskyldu hans og vinum en margir þeirra vinna hjá Brentford FC,“ segir ennfremur í yfirlýsingunni.

It is with the heaviest of hearts we announce the death of Technical Director Robert Rowan, aged 28

Everyone at the club is devastated by the news and our thoughts go out to Rob's friends and family at this time

Rest in peace, Robhttps://t.co/sW4nm9Yrk0pic.twitter.com/72BcEDlAup

— Brentford FC (@BrentfordFC) November 13, 2018