Jón Guðni farinn heim til Rússlands

Jón Guðni Fjóluson verður ekki með íslenska landsliðinu í vináttuleik gegn Katar í kvöld, hann hefur yfirgefið landsliðshópinn af persónulegum aðstæðum.

Fótbolti.net greinir frá þessu í dag en veikindi í fjölskyldu Jóns Guðna eru ástæða brottfararinnar.

Jón Guðni var í byrjunarliðinu gegn Belgum á fimmtudag, einn af þremur miðvörðum í liðinu, og var búist við því að hann yrði þar aftur gegn Katar.

Ísland mætir Katar í Eupen í Belgíu í kvöld og verður leikurinn í beinni útsendingu á Stöð 2 Sport klukkan 18:30.