Enginn Rakitic í stórleiknum gegn Englandi

Ivan Rakitic, lykilmaður Króatíu missir af leik liðsins gegn Englandi í gríðarlega mikilvægum leik í Þjóðadeildinni á morgun.



Spánverjar eru efstir í riðlinum með sex stig, en þeir hafa lokið keppni. Króatar og Englendingar eru jöfn á stigum með fjögur stig. Leikurinn á morgun er því algjör úrslitaleikur.



Sigurliðið á morgun fer í undanúrslit Þjóðadeildarinnar á meðan tapliðið fellur úr A-deildinni. Fari leikurinn jafntefli munu Spánverjar fara í undanúrslitin en Króatar falla í B-deildina á markatölu.



Ivan Rakitic, einn mikilvægasti leikmaður Króata verður ekki með í leiknum vegna meiðsla en hann er snúinn aftur til Barcelona, þar sem hann leikur.