Vörn United of léleg til að Fred spili

Jose Mourinho segir það of áhættusamt að setja hinn brasilíska Fred í byrjunarlið Manchester United á meðan vörnin er ekki sterkari en raun ber vitni.

Fred var keyptur til United í sumar fyrir 48 milljónir punda en hefur aðeins verið í byrjunarliðinu í þremur af fyrstu 14 leikjum United og var ekki í hóp í leiknum við Arsenal í miðri viku.

„Það eru aðrir leikmenn í öðrum liðum sem þurfa að fá sinn tíma og þeir eru að spila minna en Fred,“ sagði Mourinho á blaðamannafundi fyrir leik United og Fulham í dag.

„Þegar liðið verður sterkara varnarlega og þarf ekki miðjumenn sem hugsa meira um jafnvægið í liðinu heldur en um að skapa fram á við, þá verður útlitið allt annað fyrir Fred.“

Aðeins Huddersfield hefur fengið á sig meiri mörk en United í deildinni, 25 mörk hafa verið skoruð í mark United á tímabilinu.