Mo Salah er jafn lélegur í körfubolta og hann er frábær í fótbolta | Myndband

Egyptinn Mo Salah fór á kostum fyrir Liverpool í ensku úrvalsdeildinni á síðustu leiktíð. Hann skoraði 32 mörk í 36 leikjum og var kjörinn besti leikmaður deildarinnar.

Salah er nú með Liverpool í æfingaferð í Bandaríkjunum þar sem ýmislegt er brallað á milli leikja en Egyptinn ákvað að taka nokkur skot á körfu á æfingu liðsins um daginn.

Tilþrifin sem að hann sýndi þar voru ekki alveg á pari við það sem að hann gerir á fótboltavellinum. Til allrar hamingju valdi hann fótboltann fram yfir körfuboltann.

Stutt myndband náðist af Salah spreyta sig í körfu en þessa sprenghlægilegu tilburði hans má sjá hér að neðan.