Hryggðarmynd í sýningu í Leikhúsi draumanna Ingvi Þór Sæmundsson skrifar 1. október 2018 09:00 José Mourinho er í basli hjá United. vísir/getty Það þarf að fara aftur til ársins 1989 til að finna verri byrjun hjá Manchester United á tímabili. Þá, á þriðja heila tímabili Sir Alex Ferguson við stjórnvölinn, var United með sjö stig eftir fyrstu sjö umferðirnar. Í ár er uppskeran eftir fyrstu sjö umferðirnar tíu stig. United situr í 10. sæti ensku úrvalsdeildarinnar með jafn mörg stig og Bournemouth. United hefur aðeins skorað tíu mörk en fengið á sig tólf. Aðeins fjögur lið hafa fengið á sig fleiri mörk. United mætti West Ham í fyrsta leik helgarinnar í ensku úrvalsdeildinni og tapaði 3-1. Þetta þriðji leikur United á einni viku og það vægast sagt skelfilegri viku. United gerði 1-1 jafntefli við nýliða Wolves á heimavelli um þarsíðustu helgi, féll svo úr leik fyrir B-deildarliði Derby County í 3. umferð deildabikarsins og tapaði loks fyrir West Ham sem leit liða verst út í upphafi tímabils. José Mourinho er í vandræðum sem hann virðist ekki vita hvernig hann á að klóra sig út úr. Upplegg hans gegn West Ham var gríðarlega varfærið en samt fékk United á sig þrjú mörk. Eins og oft áður tók Mourinho enga ábyrgð og kenndi öllum öðrum um eftir leikinn. „Fyrsta markið var rangstaða, annað markið var sjálfsmark og það þriðja kom eftir dómaramistök. En við verðum að byrja næsta leik betur,“ sagði Portúgalinn.Byrjunin á tímabilinu minnir ískyggilega mikið á byrjunina hjá Chelsea á tímabilinu 2015-16. Þá, líkt og nú, byrjaði Mourinho að kvarta og kveina um leið og undirbúningstímabilið hófst og hélt því áfram þangað til hann var rekinn rétt fyrir jól. Þá hafði Chelsea tapað níu af fyrstu 16 leikjum sínum og sat í 16. sæti ensku úrvalsdeildarinnar, einu stigi fyrir ofan fallsæti. Þá, líkt og nú, eyddi Mourinho miklu púðri í að deila við óvini sína, ímyndaða eða ekki. Fyrir þremur árum byrjaði hann tímabilið á að trompast eftir að læknirinn Eva Carneiro hljóp inn á í upphafsleik ensku úrvalsdeildarinnar til að hlúa að Eden Hazard, leikmanni sem Mourinho lenti einnig upp á kant við síðasta tímabilið sitt hjá Chelsea. Núna stendur Mourinho í barnalegri valdabaráttu við Paul Pogba, farsa sem þeir koma báðir illa út úr. Franski miðjumaðurinn gagnrýndi leikstíl Mourinhos eftir leikinn gegn Wolves. Portúgalinn svaraði fyrir sig með því að leysa hann undan störfum varafyrirliða. Á æfingasvæðinu daginn eftir leikinn gegn Derby áttu Pogba og Mourinho svo í einhverjum orðahnippingum. Pogba gaf Barcelona undir fótinn í upphafi tímabils en miðað við frammistöðu hans í leiknum gegn West Ham, og mörgum öðrum leikjum á tímabilinu, munu Börsungar ekki snerta á honum, nema með töngum. Pogba hefur engan veginn fylgt eftir góðri frammistöðu á HM.Mourinho þungt hugsi á bekknum.vísir/gettyÁbyrgðin á slæmu gengi United í upphafi tímabils liggur ekki bara hjá Pogba og Mourinho heldur einnig hjá hæstráðendum félagsins. Ed Woodward virðist vera frábær viðskiptamaður en fótboltavitið reiðir hann ekki í þverpokum. Hann hefur þegar látið tvo knattspyrnustjóra, David Moyes og Louis van Gaal, fara síðan hann tók við stjórnartaumunum hjá United fyrir fimm árum. Hann stendur nú frammi fyrir þeirri stóru spurningu hvað hann eigi að gera við Mourinho, mann sem hann réð til að koma United aftur á toppinn. Þótt Woodward hafi staðið þétt við bakið á Mourinho, allavega út á við, gróf hann undan honum þegar hann neitaði að kaupa þá miðverði sem voru efstir á óskalista Portúgalans. Mourinho getur þó ekki kvartað yfir því að hafa ekki fengið fjármuni til að spila úr síðan hann tók við United. Samt er árangurinn ekki merkilegur og liðinu hefur farið aftur. Þótt United hafi lent í 2. sæti á síðasta tímabili, sem er besti árangur liðsins síðan Ferguson hætti, var bilið á milli þeirra og toppliðs Manchester City 19 stig. Mourinho hefur aðeins einu sinni verið lengur en þrjú tímabil hjá liði og þá var hann rekinn þegar fjórða tímabilið var nokkurra vikna gamalt. Það kæmi mikið á óvart að hann yrði við stjórnvölinn hjá United þegar næsta tímabil hefst, og jafnvel þegar árið 2019 gengur í garð. Mögulegir eftirmenn eru hins vegar ekki margir, nema Zinedine Zidane, sem ku samkvæmt fjölmiðlum ytra vera byrjaður að læra ensku, og það er mögulega það eina sem heldur Mourinho í starfi. Uppskeran og spilamennskan það sem af er tímabili gerir það allavega ekki mikið lengur. Enski boltinn Mest lesið „Ég var mjög leið og bara ótrúlega vonsvikin“ Sport Arnari gekk illa að ná í þunna Víkinga Íslenski boltinn Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti „Getum eyðilagt drauma Úkraínu á morgun“ Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Gæti lamast eftir árekstur við auglýsingaskilti Fótbolti Sir Jim Ratcliffe: Amorim þarf þrjú ár til að sanna sig Enski boltinn Svona var blaðamannafundur KSÍ fyrir leikinn gegn Úkraínu Fótbolti Rifust um olnbogaskot Drungilas Körfubolti Fleiri fréttir Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu Matti Villa efstur í Víkingsdeildinni í Fantasy en þjálfarinn á botninum Gætu spilað á Wembley ef Emirates fær Real Madrid uppfærslu Telja að leikmenn United styðji Ruben Amorim Segir leikmenn í gullkynslóð Englands hafa verið „sjálfhverfir lúserar“ Raya að skrifa undir nýjan samning Haaland hefur skorað á öllum völlum nema einum Tíu milljóna punda kjarakaup John Stones íhugaði að hætta í fótbolta Hvetur fólk til að skipta Gyökeres og Joao Pedro út ef þeir taka ekki vítin Rooney gagnrýnir Mo Salah og vill færa hann til á vellinum Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum „Þá er búið að yfirtaka sál félagsins“ Arnar Gunnlaugs segir gagnrýnendur Liverpool gleyma mannlega þættinum Pep fljótastur í 250 sigra „Þarf að halda í við Mbappé og Kane“ Haaland lyfti Man City upp í sjötta sætið „Á endanum fengum við á okkur mark í blálokin“ Markaskorarinn Mount vonast til að sigur dagsins sé vendipunkturinn Þriðja tap Liverpool í röð Man Utd - Sunderland 2-0 | Nauðsynlegur sigur fyrir Amorim Arsenal á toppinn Leeds - Tottenham 1-2 | Tottenham upp í annað sæti eftir sigur á Leeds Sjáðu glæsimörkin sem skiluðu Bournemouth upp í annað sætið Segir nýju mennina hjá Liverpool ekkert hafa getað Semenyo í stuði og Bournemouth upp í annað sætið Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Sjá meira
Það þarf að fara aftur til ársins 1989 til að finna verri byrjun hjá Manchester United á tímabili. Þá, á þriðja heila tímabili Sir Alex Ferguson við stjórnvölinn, var United með sjö stig eftir fyrstu sjö umferðirnar. Í ár er uppskeran eftir fyrstu sjö umferðirnar tíu stig. United situr í 10. sæti ensku úrvalsdeildarinnar með jafn mörg stig og Bournemouth. United hefur aðeins skorað tíu mörk en fengið á sig tólf. Aðeins fjögur lið hafa fengið á sig fleiri mörk. United mætti West Ham í fyrsta leik helgarinnar í ensku úrvalsdeildinni og tapaði 3-1. Þetta þriðji leikur United á einni viku og það vægast sagt skelfilegri viku. United gerði 1-1 jafntefli við nýliða Wolves á heimavelli um þarsíðustu helgi, féll svo úr leik fyrir B-deildarliði Derby County í 3. umferð deildabikarsins og tapaði loks fyrir West Ham sem leit liða verst út í upphafi tímabils. José Mourinho er í vandræðum sem hann virðist ekki vita hvernig hann á að klóra sig út úr. Upplegg hans gegn West Ham var gríðarlega varfærið en samt fékk United á sig þrjú mörk. Eins og oft áður tók Mourinho enga ábyrgð og kenndi öllum öðrum um eftir leikinn. „Fyrsta markið var rangstaða, annað markið var sjálfsmark og það þriðja kom eftir dómaramistök. En við verðum að byrja næsta leik betur,“ sagði Portúgalinn.Byrjunin á tímabilinu minnir ískyggilega mikið á byrjunina hjá Chelsea á tímabilinu 2015-16. Þá, líkt og nú, byrjaði Mourinho að kvarta og kveina um leið og undirbúningstímabilið hófst og hélt því áfram þangað til hann var rekinn rétt fyrir jól. Þá hafði Chelsea tapað níu af fyrstu 16 leikjum sínum og sat í 16. sæti ensku úrvalsdeildarinnar, einu stigi fyrir ofan fallsæti. Þá, líkt og nú, eyddi Mourinho miklu púðri í að deila við óvini sína, ímyndaða eða ekki. Fyrir þremur árum byrjaði hann tímabilið á að trompast eftir að læknirinn Eva Carneiro hljóp inn á í upphafsleik ensku úrvalsdeildarinnar til að hlúa að Eden Hazard, leikmanni sem Mourinho lenti einnig upp á kant við síðasta tímabilið sitt hjá Chelsea. Núna stendur Mourinho í barnalegri valdabaráttu við Paul Pogba, farsa sem þeir koma báðir illa út úr. Franski miðjumaðurinn gagnrýndi leikstíl Mourinhos eftir leikinn gegn Wolves. Portúgalinn svaraði fyrir sig með því að leysa hann undan störfum varafyrirliða. Á æfingasvæðinu daginn eftir leikinn gegn Derby áttu Pogba og Mourinho svo í einhverjum orðahnippingum. Pogba gaf Barcelona undir fótinn í upphafi tímabils en miðað við frammistöðu hans í leiknum gegn West Ham, og mörgum öðrum leikjum á tímabilinu, munu Börsungar ekki snerta á honum, nema með töngum. Pogba hefur engan veginn fylgt eftir góðri frammistöðu á HM.Mourinho þungt hugsi á bekknum.vísir/gettyÁbyrgðin á slæmu gengi United í upphafi tímabils liggur ekki bara hjá Pogba og Mourinho heldur einnig hjá hæstráðendum félagsins. Ed Woodward virðist vera frábær viðskiptamaður en fótboltavitið reiðir hann ekki í þverpokum. Hann hefur þegar látið tvo knattspyrnustjóra, David Moyes og Louis van Gaal, fara síðan hann tók við stjórnartaumunum hjá United fyrir fimm árum. Hann stendur nú frammi fyrir þeirri stóru spurningu hvað hann eigi að gera við Mourinho, mann sem hann réð til að koma United aftur á toppinn. Þótt Woodward hafi staðið þétt við bakið á Mourinho, allavega út á við, gróf hann undan honum þegar hann neitaði að kaupa þá miðverði sem voru efstir á óskalista Portúgalans. Mourinho getur þó ekki kvartað yfir því að hafa ekki fengið fjármuni til að spila úr síðan hann tók við United. Samt er árangurinn ekki merkilegur og liðinu hefur farið aftur. Þótt United hafi lent í 2. sæti á síðasta tímabili, sem er besti árangur liðsins síðan Ferguson hætti, var bilið á milli þeirra og toppliðs Manchester City 19 stig. Mourinho hefur aðeins einu sinni verið lengur en þrjú tímabil hjá liði og þá var hann rekinn þegar fjórða tímabilið var nokkurra vikna gamalt. Það kæmi mikið á óvart að hann yrði við stjórnvölinn hjá United þegar næsta tímabil hefst, og jafnvel þegar árið 2019 gengur í garð. Mögulegir eftirmenn eru hins vegar ekki margir, nema Zinedine Zidane, sem ku samkvæmt fjölmiðlum ytra vera byrjaður að læra ensku, og það er mögulega það eina sem heldur Mourinho í starfi. Uppskeran og spilamennskan það sem af er tímabili gerir það allavega ekki mikið lengur.
Enski boltinn Mest lesið „Ég var mjög leið og bara ótrúlega vonsvikin“ Sport Arnari gekk illa að ná í þunna Víkinga Íslenski boltinn Vítið sem dæmt var á Örnu í Meistaradeildinni: „Væri móðguð ef ég væri hún“ Fótbolti „Getum eyðilagt drauma Úkraínu á morgun“ Fótbolti „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Gæti lamast eftir árekstur við auglýsingaskilti Fótbolti Sir Jim Ratcliffe: Amorim þarf þrjú ár til að sanna sig Enski boltinn Svona var blaðamannafundur KSÍ fyrir leikinn gegn Úkraínu Fótbolti Rifust um olnbogaskot Drungilas Körfubolti Fleiri fréttir Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu Matti Villa efstur í Víkingsdeildinni í Fantasy en þjálfarinn á botninum Gætu spilað á Wembley ef Emirates fær Real Madrid uppfærslu Telja að leikmenn United styðji Ruben Amorim Segir leikmenn í gullkynslóð Englands hafa verið „sjálfhverfir lúserar“ Raya að skrifa undir nýjan samning Haaland hefur skorað á öllum völlum nema einum Tíu milljóna punda kjarakaup John Stones íhugaði að hætta í fótbolta Hvetur fólk til að skipta Gyökeres og Joao Pedro út ef þeir taka ekki vítin Rooney gagnrýnir Mo Salah og vill færa hann til á vellinum Guardiola ætlar að skipuleggja kvöldverð með Wenger og Ferguson Sjáðu allt um enska boltann um helgina á fimm mínútum „Þá er búið að yfirtaka sál félagsins“ Arnar Gunnlaugs segir gagnrýnendur Liverpool gleyma mannlega þættinum Pep fljótastur í 250 sigra „Þarf að halda í við Mbappé og Kane“ Haaland lyfti Man City upp í sjötta sætið „Á endanum fengum við á okkur mark í blálokin“ Markaskorarinn Mount vonast til að sigur dagsins sé vendipunkturinn Þriðja tap Liverpool í röð Man Utd - Sunderland 2-0 | Nauðsynlegur sigur fyrir Amorim Arsenal á toppinn Leeds - Tottenham 1-2 | Tottenham upp í annað sæti eftir sigur á Leeds Sjáðu glæsimörkin sem skiluðu Bournemouth upp í annað sætið Segir nýju mennina hjá Liverpool ekkert hafa getað Semenyo í stuði og Bournemouth upp í annað sætið Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Sjá meira