Hrakfarir Henry hjá Monaco halda áfram eftir stórt tap gegn PSG

Hrakfarir Thierry Henry sem þjálfari Monaco halda áfram eftir stórt tap gegn stjörnu prýddu liði PSG.



PSG byrjaði af krafti í leiknum og komst yfir strax á 4. mínútu leiksins með marki frá Edinson Cavani.



Cavani var svo aftur á ferðinni á 11. mínútu þegar hann tvöfaldaði forystu frönsku meistaranna.



Úrúgvæinn var alls ekki hættur því hann fullkomnaði þrennu sína í upphafi seinni hálfleiks áður en Neymar bætti við fjórða marki PSG úr vítaspyrnu á 64. mínútu.



Það gengur ekkert upp hjá Henry í þjálfarastól Monaco en Henry hefur ekki enn séð lið sitt vinna fótboltaleik í sex leikjum. Monaco er í næst neðsta sæti deildarinnar á meðan PSG er að stinga af á toppnum.