David James rekinn frá Kerala Blasters

David James hefur hætt störfum sem knattspyrnustjóri Kerala Blasters á Indlandi. Hermann Hreiðarsson var aðstoðarmaður James hjá Kerala Blasters.

James tók við þjálfun Blasters árið 2014 sem spilandi þjálfari, ári eftir að hann hætti hjá ÍBV. Hann hætti hjá liðinu eftir tímabilið 2014.

Hann tók aftur við liðinu í janúar á þessu ári.

Lítið hefur gengið hjá Blasters það sem af er þessu tímabili og liðið hefur ekki unnið í síðustu 11 leikjum sínum. Eftir 6-1 tap um síðustu helgi var James látinn fara.

Blasters hefur haft nýjan þjálfara í upphafi hvers tímabils síðustu ár.

We've certainly had some great times together. We wish you the best in all your future endeavors! Thank you, David James. #KeralaBlasterspic.twitter.com/F4EymdgDda

— Kerala Blasters FC (@KeralaBlasters) December 18, 2018