Fótbolti

Real neitar því að Ramos hafi fallið á lyfjaprófi

Anton Ingi Leifsson skrifar
Ramos í leik með Real en hann hefur verið fyrirliði liðsins í mörg ár.
Ramos í leik með Real en hann hefur verið fyrirliði liðsins í mörg ár. Getty
Real Madrid hefur neitað fyrir þær sögusagnir um að fyrirliði liðsins Sergio Ramos hafi fallið á lyfjaprófi eftir úrslitaleikinn gegn Juventus í Meistaradeildinni 2017.

Þýski uppljóstrunarfjölmiðillinn Der Spiegel greindi frá því í gær að Ramos hafi fallið á lyfjaprófi eftir úrslitaleikinn 2017 þar sem Real vann 4-1 sigur á Juventus.

Þar segir að það hafi mælst jákvæð efni í sýni úr Ramos en síðar meir hafi það verið úrskurðað sem mistök hjá UEFA en mikið var fjallað um málið í gær.

Real sendi svo frá sér yfirlýsingu í gærkvöldi þar sem þeir neituðu fyrir þessar ásakanir og sögðu að fyrirliði liðsins hafi aldrei fallið á lyfjaprófi.

Fótbolti

Mest lesið


Fleiri fréttir

Sjá meira


×

Mest lesið