Upprisa Ross Barkley Benedikt Bóas skrifar 3. nóvember 2018 13:00 Barkley er kominn aftur í enska landsliðið og byrjaði leikina gegn Króatíu og Spáni í Þjóðadeildinni og spilaði vel. Ross Barkley hefur sýnt það í upphafi tímabilsins að það er kannski eitthvað til í því að hann sé góður í fótbolta. Barkley var talinn einn efnilegasti leikmaður Englands samkvæmt fjölmiðlum og var mikið látið með unga guttann frá Liverpool. Meistarinn frá Katalóníu, Xavi, sagði árið 2014 að hann gæti vel spilað fyrir Barcelona. Svo góður væri hann. Barkley gekk í raðir Chelsea frá Everton í janúar og fann sig ekki undir stjórn Antonio Conte. Ferill hans byrjaði ekki sérstaklega vel hjá Chelsea því fyrsti leikur hans var gegn Arsenal 25. janúar og Barkley komst á bekkinn. Brassinn magnaði, Willian, meiddist eftir hálftíma leik. Barkley var settur inn á og strögglaði enda hafði hann verið meiddur í rúmar átta vikur á undan. Eftir leikinn sagði Conte: „Það er ekki auðvelt þegar einn besti leikmaðurinn þinn meiðist og það eina sem ég hafði á bekknum var Ross Barkley.“ Fjölmiðlar tóku einnig eftir því að Barkley var lengi að koma inn á. Þegar Willian meiddist og lagðist í grasið byrjaði Barkley að hita upp. Conte vildi setja hann strax inn á en Barkley tók sinn tíma í upphitunina. Alls öskraði Conte á hann tíu sinnum að gera sig kláran. Conte er ekki sá þolinmóðasti og blaðamaðurinn Paul Brown, sem sat nálægt, tísti um að Conte hefði tekið hárþurrkuna á Barkley. Aðrir fjölmiðlamenn á leiknum tístu um að Barkley hefði tekist hið ótrúlega. Að fá skömm í hattinn áður en hann snerti boltann.Barkley er kominn aftur í enska landsliðið eftir fjarveru. Hann lék sinn fyrsta landsleik haustið 2013 og var í enska hópnum sem fór á HM 2014.Þar með var ferill Barkleys nánast búinn hjá Chelsea áður en hann byrjaði. Vissulega spiluðu meiðsli einnig inn í. En Barkley þraukaði og Conte var rekinn. Annar Ítali, Maurizio Sarri, var ráðinn og Barkley var staðráðinn í að sanna að það væru enskir töfrar í skónum. Eðlilega var hann ekki valinn í HM-hóp Englands en nýtti sumarið til vinnu. Hann slakaði lítið á heldur fékk þrekþjálfara Chelsea til að vera með sig í prógrammi og horfði á leiki með Napoli. Hann hefur nefnilega aldrei verið þekktur fyrir sitt vinnuframlag inni á vellinum en glöggir áhorfendur tóku eftir því eftir leikinn gegn Burnley að hann hljóp rétt undir 12 kílómetrum og var nánast jafn N’Golo Kante. Þegar tölfræði hans er skoðuð kemur í ljós að hann er að hlaupa um einum og hálfum kílómetra lengra í hverjum leik með Chelsea á þessu tímabili en hann gerði hjá Everton. Með betra formi virðist Barkley líka taka betri ákvarðanir inni á vellinum. Það er ekki langt, rúmt eitt og hálft ár, síðan knattspyrnuspekingurinn Graeme Souness sagði hann vera eins og barn á leikvelli. Í raun væri allt sem hann gerði rangt. „Hann rekur boltann þegar hann á að senda boltann og sendir hann þegar hann á að rekja boltann. Ákvörðunartaka hans er átakanleg,“ sagði Souness og dró hvergi undan, ekki frekar en fyrri daginn.Ross Barkley gæti orðið gríðarlega mikilvægur fyrir enska landsliðið á komandi árum sagði Jamie Carragher í þættinum Monday Night Football á mánudaginn.Þótt hann sé ekki alltaf í byrjunarliðinu hefur Barkley komið við sögu í flestum leikjum Chelsea á tímabilinu. Og hann spilar alltaf betur og betur. Barkley hefur skorað í síðustu þremur leikjum Chelsea í ensku úrvalsdeildinni, síðasti enski leikmaðurinn sem gerði það í búningi Chelsea var sjálfur Frank Lampard. Barkley er eins og flestir vita með gamla númerið hans Lampards og hver veit nema hann gæti orðið jafn stórt nafn og Lampard á Stamford Bridge. Það eru nefnilega ekki mörg mörkin sem aðrir miðjumenn Chelsea munu skora í vetur. Það er staðfest. Kante mun ekki skora mörg og Íslandsvinurinn Jorginho er ekki mikið að pota inn mörkum. Mateo Kovacic hefur skorað 13 mörk í deildarkeppnum á ferlinum og þá eru ekki margir eftir. Barkley þarf því að skora og helst komast yfir 15 mörk ef Chelsea ætlar að eiga raunhæfan möguleika á titlinum. Því ekki eru framherjarnir heldur að skora. Barkley hefur skorað mest átta mörk á tímabili. Það var tímabilið 2015/2016. Boltinn sem Sarri vill spila virðist henta Barkley ágætlega. Þó að Sarri eigi vissulega einhvern hlut að máli þá var það Barkley sjálfur sem ákvað að taka örlögin í sínar hendur og lagði eitthvað á sig. Kom í góðu standi á undirbúningstímabilið og vissi hvað Sarri væri að meina. Það er því honum sjálfum að þakka að það gengur betur núna en áður. Birtist í Fréttablaðinu Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Eru að reyna að kaupa kærustuparið Enski boltinn Njarðvík yfirgefur Ljónagryfjuna og fær nýjan heimavöll afhentan í sumar Körfubolti Frábær mörk og óvæntur stórsigur Rúmena á Úkraínumönnum Fótbolti Norðurlandamethafinn útskrifuð með BS gráðu í læknisfræði Sport Neffati um Íslandsævintýrið: Grófur fótbolti í íslensku deildinni Íslenski boltinn Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn UEFA gerir allt til þess að rússneski fáninn sjáist ekki í dag Fótbolti Mcllroy missti sigur úr greipum sér og DeChambeau vann opna bandaríska Sport Fleiri fréttir Eru að reyna að kaupa kærustuparið Ten Hag: Ekkert leyndarmál að aðrir komu til greina en sá besti var nú þegar í starfinu Ronaldo hlustaði ekki á meðan aðrir vildu Ancelotti eða Zidane Yngsti þjálfari í sögu ensku úrvalsdeildarinnar Ratcliffe ræðst í fimmtíu milljóna punda endurbætur á Carrington æfingasvæðinu Lallana snýr aftur til Southampton Everton vill fá 80 milljónir punda fyrir Branthwaite Tilkynntu framlengingu Kerr með dramatísku myndbandi Myndi vilja tala við Rashford og Greenwood en selja Maguire Einn af styrktaraðilum Newcastle sagður misþyrma starfsfólki Ten Hag heldur starfi sínu hjá Manchester United Hættur að spá fyrir um þjálfaramál Man United Meðvitaður um stöðu sína hjá Man Utd en vill ólmur vera áfram Reynir aftur að fá Bale til Wrexham: „Hann má spila golf hvenær sem er“ Fyrrum fyrirliði Liverpool liggur þungt haldinn á spítala Sonur Dannys Mills vann silfur á EM í frjálsum Van Gaal hrósar Liverpool fyrir að ráða Slot Shaw skýtur á Ten Hag og læknateymi United: „Ég hefði aldrei átt að spila“ Stjórnarformaður Liverpool staðráðinn í að spila leiki utan Englands Chelsea vann kapphlaupið um Adarabioyo Maðurinn sem skallaði Roy Keane sakfelldur fyrir líkamsárás Öll liðin nema eitt vildu halda VAR í ensku úrvalsdeildinni Leikmannasamtök ensku úrvalsdeildarinnar beita sér gegn eyðsluþaki Arteta vill fá leikmann sem skoraði gegn Íslandi Ætla að banna starfsfólki United að borða með leikmönnunum Sádagullið heillar De Bruyne: „Þú ert að tala um ótrúlegar upphæðir“ City fer í mál við ensku úrvalsdeildina: „Ógnarstjórn meirihlutans“ Helsti styrktaraðili Liverpool sakaður um tengsl við hryðjuverkasamtök Segir enska knattspyrnusambandið vilja dæma Paquetá í lífstíðarbann Steve Bruce orðinn þreyttur á atvinnuleysinu: „Leicester, þið vitið hvar þið finnið mig“ Sjá meira
Ross Barkley hefur sýnt það í upphafi tímabilsins að það er kannski eitthvað til í því að hann sé góður í fótbolta. Barkley var talinn einn efnilegasti leikmaður Englands samkvæmt fjölmiðlum og var mikið látið með unga guttann frá Liverpool. Meistarinn frá Katalóníu, Xavi, sagði árið 2014 að hann gæti vel spilað fyrir Barcelona. Svo góður væri hann. Barkley gekk í raðir Chelsea frá Everton í janúar og fann sig ekki undir stjórn Antonio Conte. Ferill hans byrjaði ekki sérstaklega vel hjá Chelsea því fyrsti leikur hans var gegn Arsenal 25. janúar og Barkley komst á bekkinn. Brassinn magnaði, Willian, meiddist eftir hálftíma leik. Barkley var settur inn á og strögglaði enda hafði hann verið meiddur í rúmar átta vikur á undan. Eftir leikinn sagði Conte: „Það er ekki auðvelt þegar einn besti leikmaðurinn þinn meiðist og það eina sem ég hafði á bekknum var Ross Barkley.“ Fjölmiðlar tóku einnig eftir því að Barkley var lengi að koma inn á. Þegar Willian meiddist og lagðist í grasið byrjaði Barkley að hita upp. Conte vildi setja hann strax inn á en Barkley tók sinn tíma í upphitunina. Alls öskraði Conte á hann tíu sinnum að gera sig kláran. Conte er ekki sá þolinmóðasti og blaðamaðurinn Paul Brown, sem sat nálægt, tísti um að Conte hefði tekið hárþurrkuna á Barkley. Aðrir fjölmiðlamenn á leiknum tístu um að Barkley hefði tekist hið ótrúlega. Að fá skömm í hattinn áður en hann snerti boltann.Barkley er kominn aftur í enska landsliðið eftir fjarveru. Hann lék sinn fyrsta landsleik haustið 2013 og var í enska hópnum sem fór á HM 2014.Þar með var ferill Barkleys nánast búinn hjá Chelsea áður en hann byrjaði. Vissulega spiluðu meiðsli einnig inn í. En Barkley þraukaði og Conte var rekinn. Annar Ítali, Maurizio Sarri, var ráðinn og Barkley var staðráðinn í að sanna að það væru enskir töfrar í skónum. Eðlilega var hann ekki valinn í HM-hóp Englands en nýtti sumarið til vinnu. Hann slakaði lítið á heldur fékk þrekþjálfara Chelsea til að vera með sig í prógrammi og horfði á leiki með Napoli. Hann hefur nefnilega aldrei verið þekktur fyrir sitt vinnuframlag inni á vellinum en glöggir áhorfendur tóku eftir því eftir leikinn gegn Burnley að hann hljóp rétt undir 12 kílómetrum og var nánast jafn N’Golo Kante. Þegar tölfræði hans er skoðuð kemur í ljós að hann er að hlaupa um einum og hálfum kílómetra lengra í hverjum leik með Chelsea á þessu tímabili en hann gerði hjá Everton. Með betra formi virðist Barkley líka taka betri ákvarðanir inni á vellinum. Það er ekki langt, rúmt eitt og hálft ár, síðan knattspyrnuspekingurinn Graeme Souness sagði hann vera eins og barn á leikvelli. Í raun væri allt sem hann gerði rangt. „Hann rekur boltann þegar hann á að senda boltann og sendir hann þegar hann á að rekja boltann. Ákvörðunartaka hans er átakanleg,“ sagði Souness og dró hvergi undan, ekki frekar en fyrri daginn.Ross Barkley gæti orðið gríðarlega mikilvægur fyrir enska landsliðið á komandi árum sagði Jamie Carragher í þættinum Monday Night Football á mánudaginn.Þótt hann sé ekki alltaf í byrjunarliðinu hefur Barkley komið við sögu í flestum leikjum Chelsea á tímabilinu. Og hann spilar alltaf betur og betur. Barkley hefur skorað í síðustu þremur leikjum Chelsea í ensku úrvalsdeildinni, síðasti enski leikmaðurinn sem gerði það í búningi Chelsea var sjálfur Frank Lampard. Barkley er eins og flestir vita með gamla númerið hans Lampards og hver veit nema hann gæti orðið jafn stórt nafn og Lampard á Stamford Bridge. Það eru nefnilega ekki mörg mörkin sem aðrir miðjumenn Chelsea munu skora í vetur. Það er staðfest. Kante mun ekki skora mörg og Íslandsvinurinn Jorginho er ekki mikið að pota inn mörkum. Mateo Kovacic hefur skorað 13 mörk í deildarkeppnum á ferlinum og þá eru ekki margir eftir. Barkley þarf því að skora og helst komast yfir 15 mörk ef Chelsea ætlar að eiga raunhæfan möguleika á titlinum. Því ekki eru framherjarnir heldur að skora. Barkley hefur skorað mest átta mörk á tímabili. Það var tímabilið 2015/2016. Boltinn sem Sarri vill spila virðist henta Barkley ágætlega. Þó að Sarri eigi vissulega einhvern hlut að máli þá var það Barkley sjálfur sem ákvað að taka örlögin í sínar hendur og lagði eitthvað á sig. Kom í góðu standi á undirbúningstímabilið og vissi hvað Sarri væri að meina. Það er því honum sjálfum að þakka að það gengur betur núna en áður.
Birtist í Fréttablaðinu Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Eru að reyna að kaupa kærustuparið Enski boltinn Njarðvík yfirgefur Ljónagryfjuna og fær nýjan heimavöll afhentan í sumar Körfubolti Frábær mörk og óvæntur stórsigur Rúmena á Úkraínumönnum Fótbolti Norðurlandamethafinn útskrifuð með BS gráðu í læknisfræði Sport Neffati um Íslandsævintýrið: Grófur fótbolti í íslensku deildinni Íslenski boltinn Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn UEFA gerir allt til þess að rússneski fáninn sjáist ekki í dag Fótbolti Mcllroy missti sigur úr greipum sér og DeChambeau vann opna bandaríska Sport Fleiri fréttir Eru að reyna að kaupa kærustuparið Ten Hag: Ekkert leyndarmál að aðrir komu til greina en sá besti var nú þegar í starfinu Ronaldo hlustaði ekki á meðan aðrir vildu Ancelotti eða Zidane Yngsti þjálfari í sögu ensku úrvalsdeildarinnar Ratcliffe ræðst í fimmtíu milljóna punda endurbætur á Carrington æfingasvæðinu Lallana snýr aftur til Southampton Everton vill fá 80 milljónir punda fyrir Branthwaite Tilkynntu framlengingu Kerr með dramatísku myndbandi Myndi vilja tala við Rashford og Greenwood en selja Maguire Einn af styrktaraðilum Newcastle sagður misþyrma starfsfólki Ten Hag heldur starfi sínu hjá Manchester United Hættur að spá fyrir um þjálfaramál Man United Meðvitaður um stöðu sína hjá Man Utd en vill ólmur vera áfram Reynir aftur að fá Bale til Wrexham: „Hann má spila golf hvenær sem er“ Fyrrum fyrirliði Liverpool liggur þungt haldinn á spítala Sonur Dannys Mills vann silfur á EM í frjálsum Van Gaal hrósar Liverpool fyrir að ráða Slot Shaw skýtur á Ten Hag og læknateymi United: „Ég hefði aldrei átt að spila“ Stjórnarformaður Liverpool staðráðinn í að spila leiki utan Englands Chelsea vann kapphlaupið um Adarabioyo Maðurinn sem skallaði Roy Keane sakfelldur fyrir líkamsárás Öll liðin nema eitt vildu halda VAR í ensku úrvalsdeildinni Leikmannasamtök ensku úrvalsdeildarinnar beita sér gegn eyðsluþaki Arteta vill fá leikmann sem skoraði gegn Íslandi Ætla að banna starfsfólki United að borða með leikmönnunum Sádagullið heillar De Bruyne: „Þú ert að tala um ótrúlegar upphæðir“ City fer í mál við ensku úrvalsdeildina: „Ógnarstjórn meirihlutans“ Helsti styrktaraðili Liverpool sakaður um tengsl við hryðjuverkasamtök Segir enska knattspyrnusambandið vilja dæma Paquetá í lífstíðarbann Steve Bruce orðinn þreyttur á atvinnuleysinu: „Leicester, þið vitið hvar þið finnið mig“ Sjá meira
Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn
Ten Hag: Ekkert leyndarmál að aðrir komu til greina en sá besti var nú þegar í starfinu Enski boltinn