Matic segir fjölmiðla ekki segja satt frá

Nemanja Matic, miðjumaður Manchester United, þvertekur fyrir þær sögusagnir um að leikmannahópur Manchester United skiptist í tvær fylkingar.

Serbinn segir að leikmenn standi saman í blíðu og stríðu en United mætir nágrönnuum í Man. City í nágrannaslag á sunnudaginn.

„Við stöndum saman. Þegar við vinnum stöndum við saman og þegar við töpum stöndum við saman,“ sagði miðjumaðurinn.

„Fjölmiðlar eru ekki að segja satt frá. Við erum að leggja hart að okkur og við munum halda því áfram.“

„Nafnið Manchester United gerir þá kröfu á okkur að við séum fagmannlegir og reynum að snúa genginu við sem allra fyrst. Það er einmitt það sem við erum að reyna.“