Leicester liðið mun skipta um búning í hálfleik á laugardaginn
Leicester City hefur nú gefið út hvernig hlutirnir verða í kringum leikinn á móti Burnley á laugardaginn en það verður fyrsti heimaleikur félagsins síðan að eigandi þess, Vichai Srivaddhanaprabha, lést í þyrluslysi fyrir utan King Power leikvanginn.
Það verður tveggja mínútna þögn fyrir leikinn auk þess að sérstakt minningarmynd um Vichai Srivaddhanaprabha verður sýnt fimmtán mínútum fyrir leik. Það er uppselt á leikinn en Leicester City biðlar til áhorfenda að vera allir komnir í sætin sín 25 mínútum fyrir leik.
Leicester City fans will be invited to pay tribute to the Club’s late Chairman, Vichai Srivaddhanaprabha, during Saturday’s Premier League game at King Power Stadium.
— Leicester City (@LCFC) November 7, 2018
Leikmenn Leicester City munu síðan ekki spila í sömu búningum í fyrri og seinni hálfleik. Í fyrri hálfleik munu leikmennirnir spila í búningum merktum minningarorðum um Vichai Srivaddhanaprabha en í þeim seinni munu leikmennirnir spila með barmmerki til minningar um fallna hermenn en minningardagur hermanna er 11. nóvember.
Þyrluslysið varð eftir síðasta heimaleik Leicester 27. október síðastliðinn og var Vichai Srivaddhanaprabha einn af fimm sem létust þegar þyrla hans hrapaði.
Allir leikmenn Leicester og Burnley mun vera með sorgarbönd í leiknum og allir stuðningsmenn fá einnig minningarmerki og sérstaka leikskrá með minningarefni um Vichai Srivaddhanaprabha.
Leicester City would like to invite supporters to be part of a relocation of tributes to Chairman Vichai Srivaddhanaprabha at King Power Stadium on Friday.
— Leicester City (@LCFC) November 7, 2018
Leicester mun setja upp sérstakan stað nálægt slysstaðnum þar sem stuðningsfólk og aðrir geta skilið eftir hluti til að minnast Vichai Srivaddhanaprabha sem var gríðarlega vinsæll í Leicester. Áður en að leiknum kemur þarf að færa allt blómahafið frá innganginum af vellinum sem mun verða gert á morgun.
Félagið hefur einnig boðað það að á laugardaginn verður sagt frá því hvernig Leciester City ætlar að minnast Vichai Srivaddhanaprabha í framtíðinni.
pic.twitter.com/vQPXadTF8h
— Leicester City (@LCFC) November 6, 2018
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
