Keita bætist við meiðslalista Liverpool

Naby Keita er enn einn leikmaður Liverpool sem meiðist með landsliði sínu en miðjumaðurinn var borinn af velli í gærkvöldi.

Keita var að spila með þjóð sinni, Gíneu, í forkeppni Afríkukeppninnar gegn Rwanda er hann meiddist.

Hinn 23 ára gamli Keita var borinn af velli, þó ekki á börum, því engar börur voru til staðar í leiknum og þurftu liðsfélagar hans því að bera hann af velli.

Keita er þriðji leikmaður Liverpool sem meiðist með landsliði sínu. Mohamed Salah meiddist í leik gegn Egyptum og Sadio Mane puttabrotnaði í leik með Senegal.

Virgil van Djik fór einnig af velli í leik Hollands en hann er þó vera talinn klár i slaginn er liðið mætir Huddersfield um næstu helgi.