Líkamsleifar barns fundust við byrgið

Lögreglan í Taos sýslu í Nýju Mexíkó hefur gefið út yfirlýsingu þar sem fram kemur að líkamsleifar ungs drengs hafi fundist við byrgi sem ellefu sársvöngum börnum var bjargað úr í gær. AP greinir frá.

Lögreglan hafði fylgst með byrginu í lengri tíma vegna gruns um að þar dveldi þriggja ára gamall sonur Sirah Wahhaj sem hann hafði rænt frá móður sinni í Georgíufylki.

Eftir að ábending barst um bág kjör barna í byrginu hófst aðgerð lögreglunnar og börnin ellefu fundust, sonur Wahhaj var ekki eitt þeirra.

Börnin eru á aldursbili eins árs til fimmtán ára gömul og höfðu ekki fengið að borða í lengri tíma. Byrginu stýrðu þeir Lucas Morton og Sirah Wahhaj og þótti lögreglu augljóst að börnin sem og þrjár konur sem dvöldu í byrginu sem talið er að séu mæður barnanna hafi verið heilaþvegin og óttist mennina mjög.