Keita fær áttuna en segist fyrst og fremst varnarmaður

Liverpool hefur staðfest að Naby Keita, sem mun leika með liðinu á næstu leiktíð, verði í treyju númer átta.

Keita segist stoltur að hafa fengið treyju númer átta en goðsögnin í Liverpool, Steven Gerrard, spilaði í treyjunni til margra ára.

„Fyrst og fremst er ég varnarmiðjumaður og við verðum að byrja þar. Svo þarf ég að koma boltanum fram á við og hjálpa til við að sækja,” sagði Keita aðspurður hvort að hann myndi spila svipaða rullu og Gerrard.

Liverpool keypti Keita fyrir 52 milljónir punda en Keita segir að spjall hans við Jurgen Klopp hafi gert útslagið.

Hann talaði einnig við Sadio Mane en þeir spiluðu saman hjá Salzburg og segir Keita að þeir séu eins og bræður.

„Ég talaði við þjálfarann sem sagði mér frá verkefninu hér og það mótiveraði mig um að koma hingað. Þegar þú sérð hvernig þeir spiluðu á síðustu leiktíð þá vil ég vera hluti af þessu liði.”

#NK8 pic.twitter.com/ITpwlzgVD2

— Liverpool FC (@LFC) June 27, 2018