Hásinin ekki slitin hjá Söru

Sara Björk Gunnarsdóttir segir að hásinin sé ekki slitin en hún þarf að fara í myndatöku og þá komi í ljós hversu alvarleg meiðsli hennar séu.

Þetta kemur fram á vef Morgunblaðsins en Sara meiddist í úrslitaleik Meistaradeildarinnar fyrr í dag eins og Vísir fjallaði um fyrr í dag.

„Ég þarf að fara í mynda­töku og skoða þetta en hás­in­in er ekki slit­in. Þegar þetta gerðist vissi ég strax að ég væri að fara út af vell­in­um,” sagði Sara í samtali við Sindra Sverrisson á Morgunblaðinu.

Sjá einnig:Draumur Söru varð að martröð

Sara segir að fyrir leikinn hafi hún verið tæp í hásin en hafi ákveðið að bíta á jaxlinn og spila leikinn enda stærsti leikur sem íslenskur leikmaður hefur spilað í kvennaflokki.

Hún segir að eftir á að hyggja hafi það mögulega verið slæm ákvörðun að spila leikinn en segir að þetta sé leikur sem allir vilja spila.

X