Neymar fær ekki hjálp frá FIFA

Alþjóðaknattspyrnusambandið FIFA ætlar ekki að styðja Neymar í baráttu sinni við Barcelona í deilum um ógreiddar bónusgreiðslur.

Brasilíski framherjinn lagði inn kvörtun til FIFA eftir að spænska félagið neitaði að greiða út 26 milljónir evra í tryggðarbónus (e. loyalty bonus) þegar Neymar fór til franska félagsins PSG síðasta sumar.

Þá hefur Barcelona hafið lögsókn á hendur Neymar þar sem félagið fer fram á endurgreiðslu á þeim 8 milljónum puunda sem leikmaðurinn fékk við endurnýjun á samningi hans við spænska félagið árið 2016.

Í tilkynningu frá FIFA segist sambandið ekki vilja blanda sér í málið þar sem það sé í umsjón dómstóla.