Nóg til í bankanum hjá Arsenal │ Chelsea skuldar 800 milljónir

Manchester City er það félag sem hefur mest fjárhagslegt veldi í heiminum, samkvæmt rannsókn Soccerex Football Finance 100. Rannsóknin raðar bestu liðum heimsins niður miðað við fjárfestingar, eigið fé, skuldir og frammistöðu á fótboltavellinum.

Það þarf því ekki að koma á óvart að City toppi þennan lista, þar sem liðið hefur aðeins tapað fjórum stigum í ensku úrvalsdeildinni til þessa og er mjög vel stætt fjárhagslega.

Hins vegar er óvænt hvaða lið situr í öðru sæti, en Arsenal vermir það. Samkvæmt rannsókninni á Arsenal 766 milljónir punda í föstum fjárfestingum eftir að liðið færði heimavöll sinn af Highbury og á Emirates. Ekkert félag í heiminum á eins mikið fé í fjárfestingum.

Aðeins eitt félag á meira eigið fé inn á bankabók en Arsenal, Manchester United. Þar munar þó ekki miklu, United á 307 milljónir punda en Arsenal 300 milljónir.

Þá er Arsenal með minnstu skuldir allra félaga á Englandi, aðeins 8 milljónir punda. Englandsmeistarar Chelsea toppa hins vegar þann lista en þeir skulda 800 milljónir punda.

Skýrslan segir því að Arsenal ætti vel að geta gert stór kaup á leikmannamarkaðinum.

„Staða Arsenal á listanum endurspeglar fagmennsku félagsins og heilbrigt viðskiptamódel þess,“ segir í skýrslunni.

Efstu 20 lið skýrslunnar:

Manchester City

Arsenal

PSG

Guangzhou Evergrande

Tottenham

Real Madrid

Manchester United

Juventus

Chelsea

Bayern Munich

Zenit St Petersburg

RB Leipzig

LA Galaxy

Atletico Madrid

Liverpool

Borussia Dortmund

Lyon

Monaco

Leicester