Mbappé: Ég verð áfram hjá PSG

Besti ungi leikmaður HM í Rússlandi, Kylian Mbappe, gaf skýr svör um framtíð sína í leikslok eftir að hafa hjálpað Frakklandi að vinna 4-2 sigur á Króatíu í úrslitaleik Heimsmeistarakeppninnar.

„Ég verð áfram hjá PSG og held áfram vegferð minni með félaginu. Ferillinn minn er rétt að byrja,“ sagði Mbappe við blaðamenn.

Þessi 19 ára gamli sóknarmaður skoraði 21 mark fyrir PSG á sinni fyrstu leiktíð hjá franska stórveldinu eftir að hafa slegið í gegn með Monaco.

Í kjölfar sölu Real Madrid á Cristiano Ronaldo til Juventus hefur Mbappe ítrekað verið orðaður við spænsku risana en hann virðist ekki vera að fara neitt.