Rúnar Már lék allan leikinn í svekkjandi tapi Grasshoppers

Rúnar Már Sigurjónsson lék allan leikinn í liði Grasshoppers er liðið mátti þola svekkjandi tap gegn Thun í svissnesku úrvalsdeildinni.



Liðin eru að berjast á sitt hvorum enda deildarinnar, Thun er að berjast í efri hlutanum, á meðan Grasshoppers eru í fallbaráttu.



Eina mark leiksins kom ekki fyrr en á 85. mínútu og varð Djibril Diani, liðsfélagi Rúnars fyrir því óláni að skora sjálfsmark.



Gríðarlega svekkjandi tap hjá Rúnari og félögum.



Grasshoppers eru í níunda, og næst neðsta sæti deildarinnar en það er umspilssæti um fall úr deildinni. Þeir eru einu stigi frá öruggu sæti.