Biðjast afsökunar á því að hafa logið um dauða eins leikmanns síns

Írska fótboltafélagið Ballybrack FC hefur þurft að biðjast opinberlega afsökunar á fölskum fréttum frá félaginu.

Ballybrack FC hafði tilkynnt Leinster Senior deildinni að Fernando Nuno La-Fuente, leikmaður Ballybrack FC, hafi látist í umferðaslysi.

Félög í deildinni voru í framhaldinu með mínútuþögn um umræddan leikmann fyrir leiki sína en seinna koma í ljós að leikmaðurinn var ekkert dáinn.

The Leinster Senior League have confirmed that Ballybrack FC player Fernando Nuno La Fuente is not dead. A rep for the club informed the LSL he had died in a car accident last week. La Fuente is alive & well, story about his death was an apparent effort to get a game postponed pic.twitter.com/bEGnfs8bE8

— Darren Cleary (@RadioCleary) November 27, 2018

Leik Ballybrack FC liðsins á móti Arklow Town hafði verið frestað og öll önnur félög minntust hans fyrir sína leiki.

Fljótlega fóru að vakna grunnsemdir um að La-Fuente væri á lífi og hann fannst síðan í fullu fjöri á Spáni sem er hans heimaland.

Dublin soccer club fake player’s death to get match called off.

minutes silence

black armbands

match postponed

condolences expressed#Ballybrack said Fernando Nuno La Fuente had died in car crash in order to get fixture postponed https://t.co/k2Td8rsdSk

— Darran Marshall (@DarranMarshall) November 27, 2018

Forráðamenn Leinster Senior deildarinnar hafa nú sett á stað rannsókn til að komast að því hvernig svona misskilningur gat orðið.

Deildin hafði meira segja birt minningarorð um Fernando Nuno La-Fuente í írsku blaði þar sem forráðamenn hennar sendu fjölskyldu La-Fuente samúðarkveðjur.

Fjölskyldan hafði þá samband og tilkynnti að La-Fuente væri á lífi. Hvort hann spili aftur fyrir Ballybrack FC er kannski ekki mjög líklegt.

A tribute to Ballybrack and Fernando #LSL#Ballybrack#like#retweet#abbapic.twitter.com/bfADWXekPn

— Oldbury FC (@Oldbury_FC_) November 27, 2018