Stund með Gunnari Kvaran og Hauki Guðlaugssyni Gunnþóra Gunnarsdóttir skrifar 20. janúar 2018 10:30 Gunnar ætlar meðal annars að tala um mátt manneskjunnar til að hafa jákvæð áhrif á umhverfi sitt, í Dómkirkjunni á morgun. Fréttablaðið/Vilhelm Við köllum þetta stund með tali og tónum,“ segir Gunnar Kvaran um viðburð í Dómkirkjunni á morgun, sunnudag, klukkan fjögur. Þar ætlar hann, ásamt Hauki Guðlaugssyni organista, að leika ljúfa tónlist milli þess sem hann talar um það sem hann kallar andleg málefni. Hvað skyldi felast í því? „Þetta eru hugleiðingar um mál sem ég hugsa mikið um dags daglega,“ svarar hann og nefnir fyrsta umræðuefnið sem verður um hinn tæknivædda heim, kosti hans og galla. Annað fjallar um samskipti manna og varðveislu mennskunnar. „Svo tala ég um mátt manneskjunnar til að hafa jákvæð áhrif á umhverfi sitt,“ segir hann og heldur áfram. „Mér finnst alltof fáir gera sér grein fyrir hvað þeir eru miklir áhrifavaldar. Með því er ég í raun að undirstrika hvað manneskjur eru dýrmætar og því er svo mikilvægt að þeim takist að nýta líf sitt á jákvæðan og uppbyggilegan hátt.“ Máttur bænarinnar er Gunnari líka ofarlega í huga. „Bænir sem beinast að einni manneskju, fjölskyldu eða heilli þjóð eru andlegt afl því þegar fólk biður frá hjartanu þá er það orka sem heldur áfram að vera til,“ segir Gunnar og bætir við að þeir Haukur organisti muni brjóta upp þessar hugleiðingar með fallegri tónlist sem allir geti skilið. „Við spilum verk eftir Bach, Pablo Casals og Schubert,“ lýsir Gunnar og segir um klukkustundar langa dagskrá að ræða í heildina. Með stundinni í Dómkirkjunni kveðst Gunnar í raun vera að fara inn á nýjar brautir. „Ég hef auðvitað oft haldið tónleika þar sem ég segi frá tónlistinni og höfundum hennar en þarna er ég að blanda saman tónlist og öðrum hugðarefnum. Þetta er ókeypis og allir eru hjartanlega velkomnir. Dómkirkjan tók vel á móti mér þegar ég bar þessa hugmynd undir forráðamenn þar og ef vel gengur á morgun er aldrei að vita nema framhald verði á.“gun@frettabladid.is Menning Mest lesið Gríman 2024: Saknaðarilmur hlaut flestar tilnefningar Menning Þórdís Björk og Júlí Heiðar eignuðust hárprúða stúlku Lífið Smekklegt einbýli í Fossvogi á 230 milljónir Lífið Af vængjum fram: „Krakkar, ekki gera þetta heima“ Lífið Forseti Hæstaréttar og Kristján Loftsson í gámapartýi Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Af vængjum fram: Búlgörsku mafíunni að mæta yrði Ásdísi dömpað Lífið Inga Lind selur íbúð við Valshlíð Lífið Endurtekið hvött til að hvíla bláa litinn Lífið Fleiri fréttir Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Við köllum þetta stund með tali og tónum,“ segir Gunnar Kvaran um viðburð í Dómkirkjunni á morgun, sunnudag, klukkan fjögur. Þar ætlar hann, ásamt Hauki Guðlaugssyni organista, að leika ljúfa tónlist milli þess sem hann talar um það sem hann kallar andleg málefni. Hvað skyldi felast í því? „Þetta eru hugleiðingar um mál sem ég hugsa mikið um dags daglega,“ svarar hann og nefnir fyrsta umræðuefnið sem verður um hinn tæknivædda heim, kosti hans og galla. Annað fjallar um samskipti manna og varðveislu mennskunnar. „Svo tala ég um mátt manneskjunnar til að hafa jákvæð áhrif á umhverfi sitt,“ segir hann og heldur áfram. „Mér finnst alltof fáir gera sér grein fyrir hvað þeir eru miklir áhrifavaldar. Með því er ég í raun að undirstrika hvað manneskjur eru dýrmætar og því er svo mikilvægt að þeim takist að nýta líf sitt á jákvæðan og uppbyggilegan hátt.“ Máttur bænarinnar er Gunnari líka ofarlega í huga. „Bænir sem beinast að einni manneskju, fjölskyldu eða heilli þjóð eru andlegt afl því þegar fólk biður frá hjartanu þá er það orka sem heldur áfram að vera til,“ segir Gunnar og bætir við að þeir Haukur organisti muni brjóta upp þessar hugleiðingar með fallegri tónlist sem allir geti skilið. „Við spilum verk eftir Bach, Pablo Casals og Schubert,“ lýsir Gunnar og segir um klukkustundar langa dagskrá að ræða í heildina. Með stundinni í Dómkirkjunni kveðst Gunnar í raun vera að fara inn á nýjar brautir. „Ég hef auðvitað oft haldið tónleika þar sem ég segi frá tónlistinni og höfundum hennar en þarna er ég að blanda saman tónlist og öðrum hugðarefnum. Þetta er ókeypis og allir eru hjartanlega velkomnir. Dómkirkjan tók vel á móti mér þegar ég bar þessa hugmynd undir forráðamenn þar og ef vel gengur á morgun er aldrei að vita nema framhald verði á.“gun@frettabladid.is
Menning Mest lesið Gríman 2024: Saknaðarilmur hlaut flestar tilnefningar Menning Þórdís Björk og Júlí Heiðar eignuðust hárprúða stúlku Lífið Smekklegt einbýli í Fossvogi á 230 milljónir Lífið Af vængjum fram: „Krakkar, ekki gera þetta heima“ Lífið Forseti Hæstaréttar og Kristján Loftsson í gámapartýi Lífið Matti og tengdó selja 220 milljóna króna einbýlishús Lífið Baltasar og Sunneva afhjúpa kynið Lífið Af vængjum fram: Búlgörsku mafíunni að mæta yrði Ásdísi dömpað Lífið Inga Lind selur íbúð við Valshlíð Lífið Endurtekið hvött til að hvíla bláa litinn Lífið Fleiri fréttir Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira