Sjáðu öll mörk gærkvöldsins í enska boltanum

Manchester City er enn þá taplaust á toppnum í ensku úrvalsdeildinni eftir 2-1 sigur á Watford á útivelli í gærkvöldi en Leroy Sane og Riyad Mahrez skoruðu mörkin fyrir meistarana.

City er aðeins búið að tapa einum leik á tímabilinu en það var á móti Lyon í Meistaradeildinni en franska liðið er það eina sem hefur skorað meira en eitt mark í leik á móti lærisveinum Pep Guardiola.

Eftir gott gengi að undanförnu var Aroni Einari Gunnarssyni og félögum í Cardiff kippt niður á jörðina en velska liðið fékk 3-1 skell í Lundúnum þar sme að West Ham stóð uppi sem sigurvegari eftir frábæran seinni hálfleik.

Callum Wilson heldur áfram að skora en hann setti áttunda markið sitt á tímabilinu í 2-1 sigri Bournemouth gegn Huddersfield. Þetta var fyrsti sigur liðsins í fimm leikjum eftir fjögur töp í röð.

Wilson er nú búinn að skora átta mörk og gefa fjórar stoðsendingar í fyrstu fjórtán umferðum deildarinnar.

Öll mörkin úr leikjum gærkvöldsins má sjá hér að neðan.

Watford 1 - 2 Manchester City

West Ham 3 - 1 Cardiff

Bournemouth 2 - 1 Huddersfield

Brighton 3 - 1 Crystal Palace