Kínagullið glóir og heillar þá bestu Benedikt Bóas Hinriksson skrifar 14. janúar 2017 07:00 Kínagullið heillar knattspyrnumenn. nordicphotos/Getty Knattspyrna er gríðarlega vinsæl í Kína og það veit Kommúnistaflokkurinn og forsetinn Xi Jinping. Hugmyndafræði flokksins er að gera Kína að stórveldi á næstu 50 árum og er pólitísk samstaða um málið. Kommúnistaflokkurinn á sér ákveðinn draum og til að framfylgja honum hefur ekki aðeins verið fjárfest til skamms tíma. Seint á árinu 2014 var það tilkynnt að fótbolti væri orðinn skyldufag í grunnskólum landsins og fengu 20 þúsund skólar nýja æfingavelli. Sérstakir knattspyrnuskólar fóru að rísa og eru nú um 50 þúsund slíkir skólar í landinu en þeir voru fimm þúsund árið 2013. Xi Jinping, forseti Kína, kynnti svo í fyrra 50 ára áætlun um hvernig Kína ætlar sér að verða stórveldi í knattspyrnunni. Áhuga forsetans skal ekki vanmeta en hann nánast sprengdi Internetið þegar hann tók sjálfu af sér með Sergio Aguero, leikmanni Manchester City, sem kínverskir fjárfestar eiga einmitt 13 prósent í. Í nóvember var kynntur fimm ára fótboltasamningur við þýsk stjórnvöld og þýsku deildina um þjálfun, fræðslu, dómgæslu og skipulagningu deildanna í Kína. Angela Merkel og Xi Jinping skrifuðu undir. Í desember var álíka samningur gerður við Breta um að enska deildin leiðbeini þjálfurum og kenni ungum krökkum. Hvort það sé sniðug hugmynd á eftir að koma í ljós, en eins og flestir vita eru hlutabréf í enskum leikmönnum og þjálfurum í sögulegri lægð þessa stundina. Fyrir utan allt þetta er stefnan sett á að setja á laggirnar nýja ofurmeistaradeild. Ríkasti maður Kína, Wang Jianlin, er sagður vera á bak við áætlunina og vera þegar búinn að tala við félög eins og Real Madrid, Manchester United, Barcelona og Mílanórisana Inter og AC Milan sem voru nýlega keyptir af kínverskum fjárfestum. Fótbolti er í raun fundinn upp í Kína en Kínverjar spiluðu leikinn cujul löngu fyrir Krist sem FIFA hefur viðurkennt að sé fyrsta form af fótbolta. Kínverjar tóku þessu fagnandi og Kommúnistaflokkurinn vill að knattspyrnan komi heim. Og það á að taka boltanum fagnandi með öllum tiltækum ráðum. Kínverjar eru númer 81 á heimslista FIFA og töpuðu fyrir okkur Íslendingum á þriðjudag. Draumurinn er að sjálfsögðu að vinna Heimsmeistarakeppnina en einnig að byggja upp deild og félög sem eru nógu freistandi fyrir bestu leikmenn heims. Ekki er mjög langt síðan Evrópa var eini staðurinn þar sem bestu leikmenn heims vildu spila en eins og fyrrverandi miðjumeistari Barcelona, Xavi, benti nýlega á er það að breytast. „Í langan tíma hefur metnaður knattspyrnumanna snúist um að spila í fjórum eða fimm stærstu deildum Evrópu og komast í Meistaradeildina. En ef Kína ætlar að búa til keppnisdeild með bestu leikmönnunum og bestu þjálfurunum, þá verður það kannski þannig að Evrópa verður ekki eini áfangastaðurinn fyrir bestu leikmennina.“ Það er varla hægt að gúggla nokkurn leikmann í dag án þess að hann hafi verið orðaður við ferðalag til Kína. Jafnvel félög eins og Liverpool og Southampton hafa verið orðuð við sölu til Kínverja í sumar. Miðlandsliðin WBA, Aston Villa, Wolves og Birmingham eru öll í eigu Kínverja. Carlos Tevez varð launahæsti knattspyrnumaður heims þegar hann samdi við Shanghai Shenhua og þiggur hann 615 þúsund pund á viku fyrir það eða 85 milljónir króna. Sjöfaldur lottópottur árið 2014 var einmitt 85 milljónir króna og má því segja að Tevez vinni sjöfaldan vinning í hverri viku. Oscar kom einnig með risalaun í rassvasanum og Axel Witsel hafnaði ítölsku risunum í Juventus til að fara til Kína. Alexis Sanchez er orðaður við 500 þúsund pund á viku hjá Hebei China Fortune og Englendingarnir Wayne Rooney og John Terry hafa fengið góð tilboð. Samkvæmt nýjustu fréttum hefur Rooney fengið boð um 700 þúsund pund á viku frá tveimur félögum. Fréttirnar um kolbrjáluð laun og félagaskipti eru í raun það margar að það þyrfti aðra síðu til að skrifa um það. Hvort hægt sé að láta knattspyrnudrauma rætast er önnur saga en með nánast óþrjótandi brunn af peningum, stuðning forsetans og flokksins sem og langtímamarkmið er allt hægt. Það má ekki gleyma að deildin í Kína er aðeins 12 ára gömul en hefur tekið gríðarlegt stökk á milli ára. Þegar Sölvi Geir Ottesen og Viðar Örn Kjartansson spiluðu með Jiangsu Suning árið 2015 urðu þeir bikarmeistarar en voru samt seldir. Næstu skref voru nefnilega landsliðmennirnir frá Brasilíu Ramires frá Chelsea og Alex Teixeira frá Shakhtar Donetsk sem hafnaði fjölmörgum risaliðum í Evrópu. En hvað skyldi gerast ef peningarnir klárast, fjárfestarnir nenna ekki lengur að leika sér í mannlegum Championship Manager eða spillingin verði svo mikil að leikmenn nenna ekki lengur að spila þarna? Þá gæti allt farið, jafnvel 50 ára áætlun forsetans.Fréttin birtist fyrst í Fréttablaðinu Fótbolti Mest lesið Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Handbolti Manchester United tryggði sér titil í lokaleik tímabilsins Enski boltinn „Eins og að fara í ristilskoðun og svo beint til tannlæknis að láta rífa úr sér endajaxla“ Íslenski boltinn Uppgjör: Valur-FH 2-2 | Hvorugt liðið fór sátt af velli á Hlíðarenda Íslenski boltinn Barcelona Evrópumeistari Fótbolti Uppgjör: KR-Vestri 2-2 | Vesturbæingar geta ekki unnið á Meistaravöllum Íslenski boltinn Afmælisbarnið klárt í slaginn eftir alls konar bras Handbolti Lögreglan kórónaði ömurlegan dag hjá Kane Körfubolti Fór í gegnum djúpa dali áður en hann slátraði Íslandsmetinu Sport Uppgjör: ÍA-Víkingur 0-1 | Vítaspyrna tryggði meisturunum stigin þrjú Íslenski boltinn Fleiri fréttir Spánarmeistarar Real enduðu tímabilið á markalausu jafntefli PSG tvöfaldur meistari Uppgjör: Valur-FH 2-2 | Hvorugt liðið fór sátt af velli á Hlíðarenda AC Milan missti niður unninn leik Leverkusen bikarmeistari eftir vonbrigðin í Evrópu „Eins og að fara í ristilskoðun og svo beint til tannlæknis að láta rífa úr sér endajaxla“ „Manni líður eins og þetta hafi verið tap“ Uppgjör: ÍA-Víkingur 0-1 | Vítaspyrna tryggði meisturunum stigin þrjú „Slökkvum bara á okkur“ Barcelona Evrópumeistari Uppgjör: KR-Vestri 2-2 | Vesturbæingar geta ekki unnið á Meistaravöllum „Þurfum að virða það að þú þarft að hafa fyrir hlutunum“ „Ekkert smá sætt“ Ten Hag: Ósanngjörn gagnrýni á bæði mig og liðið allt Uppgjörið og viðtöl: Keflavík - Þróttur R. 1-0 | Fyrsti sigur Keflvíkinga Bikarmeistarinn Bruno: „Þurftum að fórna og þjást en við gerðum magnaða hluti“ Íslendingaliðið Lyngby hélt sér uppi í úrvalsdeild Neyddust til að fresta útaf rosalegu roki Diljá skoraði í sjö marka sigri í lokaumferðinni Manchester United tryggði sér titil í lokaleik tímabilsins Uppgjörið og viðtöl: FH - Víkingur 2-2 | Dramatískt jafntefli í Kaplakrika Katla skoraði jöfnunarmarkið í endurkomusigri Bayern borgar 12 milljónir evra fyrir Kompany Vill losna frá Crystal Palace og kaupa Everton Spilaði með glerbrot í ilinni í tvö ár Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Breiðablik tók fram úr Val í launagreiðslum til leikmanna Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum Sjá meira
Knattspyrna er gríðarlega vinsæl í Kína og það veit Kommúnistaflokkurinn og forsetinn Xi Jinping. Hugmyndafræði flokksins er að gera Kína að stórveldi á næstu 50 árum og er pólitísk samstaða um málið. Kommúnistaflokkurinn á sér ákveðinn draum og til að framfylgja honum hefur ekki aðeins verið fjárfest til skamms tíma. Seint á árinu 2014 var það tilkynnt að fótbolti væri orðinn skyldufag í grunnskólum landsins og fengu 20 þúsund skólar nýja æfingavelli. Sérstakir knattspyrnuskólar fóru að rísa og eru nú um 50 þúsund slíkir skólar í landinu en þeir voru fimm þúsund árið 2013. Xi Jinping, forseti Kína, kynnti svo í fyrra 50 ára áætlun um hvernig Kína ætlar sér að verða stórveldi í knattspyrnunni. Áhuga forsetans skal ekki vanmeta en hann nánast sprengdi Internetið þegar hann tók sjálfu af sér með Sergio Aguero, leikmanni Manchester City, sem kínverskir fjárfestar eiga einmitt 13 prósent í. Í nóvember var kynntur fimm ára fótboltasamningur við þýsk stjórnvöld og þýsku deildina um þjálfun, fræðslu, dómgæslu og skipulagningu deildanna í Kína. Angela Merkel og Xi Jinping skrifuðu undir. Í desember var álíka samningur gerður við Breta um að enska deildin leiðbeini þjálfurum og kenni ungum krökkum. Hvort það sé sniðug hugmynd á eftir að koma í ljós, en eins og flestir vita eru hlutabréf í enskum leikmönnum og þjálfurum í sögulegri lægð þessa stundina. Fyrir utan allt þetta er stefnan sett á að setja á laggirnar nýja ofurmeistaradeild. Ríkasti maður Kína, Wang Jianlin, er sagður vera á bak við áætlunina og vera þegar búinn að tala við félög eins og Real Madrid, Manchester United, Barcelona og Mílanórisana Inter og AC Milan sem voru nýlega keyptir af kínverskum fjárfestum. Fótbolti er í raun fundinn upp í Kína en Kínverjar spiluðu leikinn cujul löngu fyrir Krist sem FIFA hefur viðurkennt að sé fyrsta form af fótbolta. Kínverjar tóku þessu fagnandi og Kommúnistaflokkurinn vill að knattspyrnan komi heim. Og það á að taka boltanum fagnandi með öllum tiltækum ráðum. Kínverjar eru númer 81 á heimslista FIFA og töpuðu fyrir okkur Íslendingum á þriðjudag. Draumurinn er að sjálfsögðu að vinna Heimsmeistarakeppnina en einnig að byggja upp deild og félög sem eru nógu freistandi fyrir bestu leikmenn heims. Ekki er mjög langt síðan Evrópa var eini staðurinn þar sem bestu leikmenn heims vildu spila en eins og fyrrverandi miðjumeistari Barcelona, Xavi, benti nýlega á er það að breytast. „Í langan tíma hefur metnaður knattspyrnumanna snúist um að spila í fjórum eða fimm stærstu deildum Evrópu og komast í Meistaradeildina. En ef Kína ætlar að búa til keppnisdeild með bestu leikmönnunum og bestu þjálfurunum, þá verður það kannski þannig að Evrópa verður ekki eini áfangastaðurinn fyrir bestu leikmennina.“ Það er varla hægt að gúggla nokkurn leikmann í dag án þess að hann hafi verið orðaður við ferðalag til Kína. Jafnvel félög eins og Liverpool og Southampton hafa verið orðuð við sölu til Kínverja í sumar. Miðlandsliðin WBA, Aston Villa, Wolves og Birmingham eru öll í eigu Kínverja. Carlos Tevez varð launahæsti knattspyrnumaður heims þegar hann samdi við Shanghai Shenhua og þiggur hann 615 þúsund pund á viku fyrir það eða 85 milljónir króna. Sjöfaldur lottópottur árið 2014 var einmitt 85 milljónir króna og má því segja að Tevez vinni sjöfaldan vinning í hverri viku. Oscar kom einnig með risalaun í rassvasanum og Axel Witsel hafnaði ítölsku risunum í Juventus til að fara til Kína. Alexis Sanchez er orðaður við 500 þúsund pund á viku hjá Hebei China Fortune og Englendingarnir Wayne Rooney og John Terry hafa fengið góð tilboð. Samkvæmt nýjustu fréttum hefur Rooney fengið boð um 700 þúsund pund á viku frá tveimur félögum. Fréttirnar um kolbrjáluð laun og félagaskipti eru í raun það margar að það þyrfti aðra síðu til að skrifa um það. Hvort hægt sé að láta knattspyrnudrauma rætast er önnur saga en með nánast óþrjótandi brunn af peningum, stuðning forsetans og flokksins sem og langtímamarkmið er allt hægt. Það má ekki gleyma að deildin í Kína er aðeins 12 ára gömul en hefur tekið gríðarlegt stökk á milli ára. Þegar Sölvi Geir Ottesen og Viðar Örn Kjartansson spiluðu með Jiangsu Suning árið 2015 urðu þeir bikarmeistarar en voru samt seldir. Næstu skref voru nefnilega landsliðmennirnir frá Brasilíu Ramires frá Chelsea og Alex Teixeira frá Shakhtar Donetsk sem hafnaði fjölmörgum risaliðum í Evrópu. En hvað skyldi gerast ef peningarnir klárast, fjárfestarnir nenna ekki lengur að leika sér í mannlegum Championship Manager eða spillingin verði svo mikil að leikmenn nenna ekki lengur að spila þarna? Þá gæti allt farið, jafnvel 50 ára áætlun forsetans.Fréttin birtist fyrst í Fréttablaðinu
Fótbolti Mest lesið Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Handbolti Manchester United tryggði sér titil í lokaleik tímabilsins Enski boltinn „Eins og að fara í ristilskoðun og svo beint til tannlæknis að láta rífa úr sér endajaxla“ Íslenski boltinn Uppgjör: Valur-FH 2-2 | Hvorugt liðið fór sátt af velli á Hlíðarenda Íslenski boltinn Barcelona Evrópumeistari Fótbolti Uppgjör: KR-Vestri 2-2 | Vesturbæingar geta ekki unnið á Meistaravöllum Íslenski boltinn Afmælisbarnið klárt í slaginn eftir alls konar bras Handbolti Lögreglan kórónaði ömurlegan dag hjá Kane Körfubolti Fór í gegnum djúpa dali áður en hann slátraði Íslandsmetinu Sport Uppgjör: ÍA-Víkingur 0-1 | Vítaspyrna tryggði meisturunum stigin þrjú Íslenski boltinn Fleiri fréttir Spánarmeistarar Real enduðu tímabilið á markalausu jafntefli PSG tvöfaldur meistari Uppgjör: Valur-FH 2-2 | Hvorugt liðið fór sátt af velli á Hlíðarenda AC Milan missti niður unninn leik Leverkusen bikarmeistari eftir vonbrigðin í Evrópu „Eins og að fara í ristilskoðun og svo beint til tannlæknis að láta rífa úr sér endajaxla“ „Manni líður eins og þetta hafi verið tap“ Uppgjör: ÍA-Víkingur 0-1 | Vítaspyrna tryggði meisturunum stigin þrjú „Slökkvum bara á okkur“ Barcelona Evrópumeistari Uppgjör: KR-Vestri 2-2 | Vesturbæingar geta ekki unnið á Meistaravöllum „Þurfum að virða það að þú þarft að hafa fyrir hlutunum“ „Ekkert smá sætt“ Ten Hag: Ósanngjörn gagnrýni á bæði mig og liðið allt Uppgjörið og viðtöl: Keflavík - Þróttur R. 1-0 | Fyrsti sigur Keflvíkinga Bikarmeistarinn Bruno: „Þurftum að fórna og þjást en við gerðum magnaða hluti“ Íslendingaliðið Lyngby hélt sér uppi í úrvalsdeild Neyddust til að fresta útaf rosalegu roki Diljá skoraði í sjö marka sigri í lokaumferðinni Manchester United tryggði sér titil í lokaleik tímabilsins Uppgjörið og viðtöl: FH - Víkingur 2-2 | Dramatískt jafntefli í Kaplakrika Katla skoraði jöfnunarmarkið í endurkomusigri Bayern borgar 12 milljónir evra fyrir Kompany Vill losna frá Crystal Palace og kaupa Everton Spilaði með glerbrot í ilinni í tvö ár Stýrir leik á Stamford Bridge eftir að Chelsea rak hann Ten Hag telur öruggt að hann verði áfram á næsta tímabili Breiðablik tók fram úr Val í launagreiðslum til leikmanna Víkingar greiddu langmest í sektir vegna agamála Uppgjörið: Þór/KA - Tindastóll 5-0 | Þór/KA í stuði í Boganum Sjá meira
Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Handbolti
„Eins og að fara í ristilskoðun og svo beint til tannlæknis að láta rífa úr sér endajaxla“ Íslenski boltinn
Uppgjörið: Olympiacos-Valur 31-27 [4-5] | Valsmenn Evrópubikarmeistarar eftir sigur í vítakeppni Handbolti
„Eins og að fara í ristilskoðun og svo beint til tannlæknis að láta rífa úr sér endajaxla“ Íslenski boltinn