Tímaþjófurinn á svið Gunnþóra Gunnarsdóttir skrifar 23. mars 2017 10:15 Nína Dögg Filippusdóttir og Björn Hlynur Haraldsson eru í aðalhlutverkum. Edda Arnljótsdóttir og Snæfríður Ingvarsdóttir leika mæðgur. Oddur Júlíusson fer einnig með ýmis hlutverk í sýningunni. Mynd/Þjóðleikhúsið Tímaþjófurinn, bók Steinunnar Sigurðardóttur rithöfundar, sló í gegn þegar hún kom út árið 1986. Efni hennar, eldheitt ástarævintýri, afdrif þess og afleiðingar, verður nú sett á svið í fyrsta sinn og frumsýnt annað kvöld, föstudag, í Kassanum í Þjóðleikhúsinu. Melkorka Tekla Ólafsdóttir leiklistarráðunautur er höfundur leikgerðar. „Ari Matthíasson þjóðleikhússtjóri átti hugmyndina en bókin hefur verið í miklu uppáhaldi hjá mér frá því að hún kom út og mér fannst hún mjög spennandi viðfangsefni,“ segir hún og heldur áfram: „Una Þorleifsdóttir vann svo upp úr leikgerð minni sýningu með listrænum samverkamönnum og þar hafa sviðshreyfingar og tónlist mikið vægi.“ Sagan Tímaþjófurinn er að mörgu leyti óvenjulegt efni til leikgerðar, að sögn Melkorku sem lýsir því nánar. „Það er lítið um samtöl í bókinni því hún er fyrstu persónu frásögn og textinn á köflum mjög ljóðrænn. En það sem heillaði okkur í leikhúsinu er að bókin opnar heim sterkra ástríðna þar sem aðalpersónan er hrífandi, flókin og mótsagnakennd kona. Skáldsagan er ákveðinn leikur með formið, þar sem ljóðlist er blandað inn í söguna. Að sama skapi er leiksýningin ákveðinn leikur þar sem texti, hreyfingar og hljóðmynd mynda eina heild og leitast er við að ná fram ákveðnum ljóðrænum áhrifamætti. Engu að síður er verkið dramatísk saga um ást, höfnun, þráhyggju og missi.“ Melkorka segir Steinunni hafa sýnt henni traust og veitt listrænt frelsi. „Hún kom á fyrsta samlestur og hefur fylgst með æfingum í lokavikunni,“ lýsir hún en skyldi hún vera með fleiri verk Steinunnar í huga fyrir leiksvið? „Steinunn er í miklu eftirlæti hjá mér sem rithöfundur en eins og stendur er hugur minn alfarið hjá Tímaþjófnum.“ Greinin birtist fyrst í Fréttablaðinu 23. mars 2017 Menning Mest lesið Óstundvísi Steina sögð kosta tugi milljóna dollara Lífið Gerða og glæsilegar gellur á Edition Lífið „Hin raunverulegu stólaskipti fóru fram í dag“ Lífið Múgur og margmenni fylgdust með ótrúlegu ostakúluáti Lífið „Eurovision mamman“ með gleði og kærleika að vopni Lífið Swing og hópkynlíf fyrir byrjendur! Lífið Halda samstöðutónleika á sama tíma og Ísland keppir í Eurovision Lífið Eltihrellirinn í Baby Reindeer íhugar að leita réttar síns Bíó og sjónvarp Snorri og Harpa selja á Njálsgötu Lífið Una Torfa negldi slagara með Fleetwood Mac Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Tímaþjófurinn, bók Steinunnar Sigurðardóttur rithöfundar, sló í gegn þegar hún kom út árið 1986. Efni hennar, eldheitt ástarævintýri, afdrif þess og afleiðingar, verður nú sett á svið í fyrsta sinn og frumsýnt annað kvöld, föstudag, í Kassanum í Þjóðleikhúsinu. Melkorka Tekla Ólafsdóttir leiklistarráðunautur er höfundur leikgerðar. „Ari Matthíasson þjóðleikhússtjóri átti hugmyndina en bókin hefur verið í miklu uppáhaldi hjá mér frá því að hún kom út og mér fannst hún mjög spennandi viðfangsefni,“ segir hún og heldur áfram: „Una Þorleifsdóttir vann svo upp úr leikgerð minni sýningu með listrænum samverkamönnum og þar hafa sviðshreyfingar og tónlist mikið vægi.“ Sagan Tímaþjófurinn er að mörgu leyti óvenjulegt efni til leikgerðar, að sögn Melkorku sem lýsir því nánar. „Það er lítið um samtöl í bókinni því hún er fyrstu persónu frásögn og textinn á köflum mjög ljóðrænn. En það sem heillaði okkur í leikhúsinu er að bókin opnar heim sterkra ástríðna þar sem aðalpersónan er hrífandi, flókin og mótsagnakennd kona. Skáldsagan er ákveðinn leikur með formið, þar sem ljóðlist er blandað inn í söguna. Að sama skapi er leiksýningin ákveðinn leikur þar sem texti, hreyfingar og hljóðmynd mynda eina heild og leitast er við að ná fram ákveðnum ljóðrænum áhrifamætti. Engu að síður er verkið dramatísk saga um ást, höfnun, þráhyggju og missi.“ Melkorka segir Steinunni hafa sýnt henni traust og veitt listrænt frelsi. „Hún kom á fyrsta samlestur og hefur fylgst með æfingum í lokavikunni,“ lýsir hún en skyldi hún vera með fleiri verk Steinunnar í huga fyrir leiksvið? „Steinunn er í miklu eftirlæti hjá mér sem rithöfundur en eins og stendur er hugur minn alfarið hjá Tímaþjófnum.“ Greinin birtist fyrst í Fréttablaðinu 23. mars 2017
Menning Mest lesið Óstundvísi Steina sögð kosta tugi milljóna dollara Lífið Gerða og glæsilegar gellur á Edition Lífið „Hin raunverulegu stólaskipti fóru fram í dag“ Lífið Múgur og margmenni fylgdust með ótrúlegu ostakúluáti Lífið „Eurovision mamman“ með gleði og kærleika að vopni Lífið Swing og hópkynlíf fyrir byrjendur! Lífið Halda samstöðutónleika á sama tíma og Ísland keppir í Eurovision Lífið Eltihrellirinn í Baby Reindeer íhugar að leita réttar síns Bíó og sjónvarp Snorri og Harpa selja á Njálsgötu Lífið Una Torfa negldi slagara með Fleetwood Mac Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira