Zlatan líkir sér við King Kong

Sænski framherjinn Zlatan Ibrahimovic líkir sjálfum sér við King Kong í nýjustu færslu sinni á Instagram.

Zlatan birti í dag mynd af sér með apanum risavaxna undir yfirskriftinni King og Kong.

Eins og sést á myndinni er Zlatan í ansi góðu formi og hefur greinilega lagt hart að sér í endurhæfingunni eftir að hafa slitið krossband í hné í leik Manchester United og Anderlecht í vor.

Zlatan verður frá keppni fram á næsta ár og af þeim sökum var samningur hans við United ekki framlengdur.

Svíinn hefur þó haldið áfram að æfa með United og ekki er loku fyrir það skotið að hann fá nýjan samning hjá félaginu þegar endurhæfingunni er lokið.

Zlatan skoraði 28 mörk fyrir United á síðasta tímabili, þ.á.m. tvö mörk í 3-2 sigri á Southampton í úrslitum deildabikarsins.

King and Kong

A post shared by IAmZlatan (@iamzlatanibrahimovic) on Jul 27, 2017 at 4:13am PDT